काठमाडाैंमा २२ बर्षीय युवतीमाथी एसिड प्रहार, दुइजना पक्राउ

नयाँ विकल्प,

काठमाडौं– काठमाडौंको सोल्टीमोडमा एक युवतीमाथी एसिड प्रहार भएको छ ।

एसिड प्रहार हुने २२ बर्षिया पवित्रा कार्की ओखलढुङ्गाकी भएको प्रहरीले जनाएको छ । विहिबार साँझ कोठाबाठ बाहिर सोल्टीमोड स्थीत पसलमा समान किन्न निस्केकी उनलाई एसिड प्रहार भएको हो ।

पवित्राको दायाँ भागको कपाल, गाला र घाँटीमा समेत एसिड छ्यापिएको छ उनको किर्तीपुर अस्पतालमा उपचार भैरहेको छ ।

एसिड प्रहार गरेको आरोपमा २ जनालाई प्रहरीले पक्राउ गरेको छ ।

पक्राउ पर्नेमा रौतहट लक्ष्मीपुर स्थायी घर भएका हाल काठमाडौं,डल्लुु बस्ने मोहमद आलम र काठमाडौं डल्लुु बस्ने मुन्ना महमद भारतिय नागरिक छन

उनीहरुलाई नार्गजुन ४ सिर्जनसिल टोलबाट प्रहरीले पक्राउ गरेको जनाएकाे छ ।एसिड प्रहार भए लगत्तै प्रहरीले उनीहरुको खोजी गरेको थियो । पक्राउ परेका उनीहरु माथी प्रहरीले थप अनुसन्धान गरिरहेको छ । 

एसिड प्रहारबाट घाइते पवित्राको सितापाईला स्थीत मनमोहन अस्पतालमा उपचार हुन नसकेपछि किर्तीपुर अस्पताल रिफर गरिएको हो ।

ओखलढुङ्गा चम्पादेवी गाउपालीका की पवित्रा राजधानीको ह्यात होटलमा कार्यरत कर्मचारी हुन ।