
नयाँ विकल्प,
काठमाडौं–मंगलबार विहान प्रहरीले बरामद गरेको सुन नक्कली भएको विषयमा छानविन गर्न एसएसपीको नेतृत्वमा समिति गठन गरिएको छ ।
मंगलबार विहान काठमाडौंको कमलादि स्थित कृष्ण पाउरोटी चोक नजिकबाट प्रहरीले १५ केजी सुन बरामद गरेको जनाएको थियो ।
उक्त सुन परिक्षण गराउँदा नक्कली अर्थात चाँदी रहेको विषय शंकास्पद रहेको भन्दै प्रश्न उठेपछि महानगरीय प्रहरी कार्यालयले छानविन समिति गठन गरेको हो ।
उक्त छानविन समितिको संयोजकमा महानगरीय एसएसपी दीपक थापा रहेका छन। त्यस्तै सो छानविन समितिमा महानगरीय प्रहरी कार्यालयकी एसएसपी किरण वज्राचार्य, एसपी सोमेन्द्रसिंह राठौर, एसपी दुर्गा दाहाल र डीएसपी राजकुमार सदस्य रहेका छन ।
प्रहरीले शंकालागेर चेक जाँच गर्ने क्रममा मंगलबार विहान ९ बजे बा ६च ५५१९ नम्बरको स्कार्पिया चालक दुई थान हतियार र उक्त नक्कली भनिएको सुन फ्याकेर फरार रहेका थिए ।
बरामद गरिएको भनिएको सुन चाँदी हुनु र भागेको गाडि अहिले सम्म नियन्त्रणमा नआउनु शंकास्पद रहेको भन्दै यसको सर्वत्र आलोचना भैरहेको छ ।
काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...
काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...
काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...