- अनामनगर काठमाडौँ
- infobikalpa21@gmail.com
येँ : नेपाःलय् डेंगी संक्रमण म्हो जुजुं वनाच्वंगु दु । इपिडिमियोलोजी व सरुवा ल्वय् नियन्त्रण महाशाखाया किटजन्य ल्वय् शाखाया प्रमुख डा। गोकर्णप्रसाद दाहालं चिकुला न्ह्यनेवंगु लिसें सरकारं डेंगी पुंकिपिं पत्ति क्वत्यलेत अभियान न्ह्याकुगुलिं कात्तिकया लिपांगु दिनय् संक्रमण म्हो जूगु धयादीगु दु ।
सरकारं डेंगीया संक्रमण अप्वया वःलिसें शुक्रवाः पतिकं सरकारी व गैरसरकारी ज्याकुथिइ व अस्पताल लागाय् सुचुकुचु यायेगु लिसें ‘पत्ति मालेगु व नष्ट यायेगु’ अभियान न्ह्याकूगु खः ।
वय्कया धापू कथं आः दे दुने ४२ क्वगु वा निसें डेंगी संक्रमण कुहाँवंगु खः । नेपाःलय् आः डेंगी संक्रमणया ४५ क्वगु वाः न्ह्यानाच्वंगु दु ।
डा। दाहालं वंगु ४२ गु वाः या दथुइ जक निद्वः व न्यास व ८२ म्ह, ४३ गु वाय् निद्व व निसः निम्ह, ४४ गु वाय् द्वःछि व ७१ म्हेसित संक्रमण खनेदूगु खःसा आः ४५ गु वाय् ५५ म्हेसित जक डेंगीया संक्रमण खने दूगु खः । वयकलं धयादिल – “चिकुला न्ह्यने वलिसे डेंगी संक्रमण म्हो जुया वनाच्वंगु दु । ४५ गु वाय् थ्यंबलेतक फाट्टफुट्टं जक डेंगी बिरामी खने दयाच्वंगु दु । संक्रमण म्हो जुसां पत्तिपाखें बचेजुया च्वनेमाः ।”
आतकया दुने २९ द्व व सछि ५८ म्हेसित डेंगी जूगु व १२ म्ह सीगु किटजन्य ल्वय् शाखाया प्रमुख डा। दाहालं धयादिल । वय्कया धापू कथं हुम्ला त्वता मेगु ७६ गु हे जिल्लाय् थुगुुसि डेंगी खनेदूगु खः ।
दक्वसिबे अप्वः कास्कीइ न्हय्द्वः व नीसः व २४ म्हेसित डेंगी संक्रमण खनेदूगु खः । लः मुनिगु यचुगु थासय् ‘एडिज एजिप्टी व एडिस एल्बोटिक्टस’ प्रजातिया पत्तिं खेँ थ्वइ । वहे खेँचं लार्भा पिहाँवइसा वहे लार्भा पत्ति जुया न्यात धाःसा डेंगी ल्वय् पुनिइ ।
स्वनिगःलय् खुद्वःसिबें अप्वः संक्रमित
स्वनिगःलय् खुद्वः खुसः व १२ म्हेसित डेंगी संक्रमण खनेदूगु खः । येँय् प्यद्ववः न्यासः व ९५ म्ह, ख्वपय् च्यासः व ३१म्ह व यलय् झिंछसः व ८६ म्हेसित डेंगी संक्रमण खनेदूगु खः ।
संखुवासभा : नेपाली कांग्रेसभित्र आन्तरिक सुधार, सुशासन र पार्टी रूपान्तरणको मुद्दालाई लिएर देशव्यापी अभियान तीव्र पारिएको छ। यसै क्रममा पार्टीका...
काठमाडौँ : चालु आर्थिक वर्ष पूरा हुन १९ दिन बाँकी हुँदा सरकारले राजश्व संकलनमा लक्ष्यको ७५ दशमलव १७ प्रगति हासिल...
काभ्रेपलाञ्चोक : स्तरोन्नति भइरहेको अरनिको राजमार्गअन्तर्गत धुलिखेल–खावा सडकखण्डलाई तीव्रता दिन असार तेस्रो सातादेखि १५ दिन रातको समयमा सवारीसाधन आवागमनमा रोक...
