अनुशासन समितिको कार्यक्षमतामाथि पौडेलले उठाए गम्भिर प्रश्न – Naya Bikalpa
November 20, 2026, Friday      Epaper

अनुशासन समितिको कार्यक्षमतामाथि पौडेलले उठाए गम्भिर प्रश्न

कांग्रेस वरिष्ठ नेता रामचन्द्र पाैडेल



नयाँ विकल्प,
काठमाडौं । नेपाली कांग्रेसका नेता रामचन्द्र पौडेलले समेत पार्टीको केन्द्रीय अनुशासनको काम कारबाहीप्रति गम्भिर असहमति जनाएका छन् ।

सामाजिक सञ्जाल ट्वीटमा पौडेलले आफ्नो गृह जिल्ला तनहुँका नेता तथा पूर्वसहमहामन्त्री गोविन्दराज जोशीलाई कारबाही ढिलो गरेको भन्दै केन्द्रीय अनुशासन समितिको कार्यक्षमता र नियतमाथि गम्भिर प्रश्न उठाएका हुन् ।

पौडेलले आफूसँग तनहुँ निर्वाचन क्षेत्र नं १ मा वागी उमेदवारी दिएका जोशीलाई पार्टीको बिधान अनुसार त्यतिबेलै कारबाही गरिनु पर्ने तर्क गर्दै जोशीलाई हालै कारबाही गर्दा उमेदवारी खोसिएका र निर्वाचनपछि पार्टीको आन्तरिक विवादमा परेका व्यक्तिलाई विधानको एउटै दफा बमोजिम कारबाही गरेकोमा प्रश्न उठाएका हुन् ।

जोशीको कारबाही ढिलो भएको र ओझालाई कारबाही गरेकोमा रामचन्द्रको आपत्ति


पौडेलले विगत निर्वाचनमा पार्टीका आधिकारीक उमेदवार विरुद्ध उमेदवारी दिने ३२ जना उमेदवार र प्रस्तावक समर्थकलाई कांग्रेसको विधानको दफा ४ वमोजिम पार्टी सदस्यता नरहने गरी निस्कासित गर्दा तनहूँ क्षेत्र नं १ का वागी उम्मेदवार जोशीलाई कारवाही नगरेको भन्दै गम्भीर असंतुष्टी जनाएका हुन् ।

जोशीसंग जोडेर सिटिङ्ग संसद तथा उम्मेदवारी खेसिएका कैलालीका पुष्कर ओझालाई स्पष्ट आधार र कारण बिना नै विधानको दफा ३४ वमोजिम ५ वर्षको लागि पार्टीबाट निस्कासनको कारवाही गर्नु नेपाली कांग्रेस केन्द्रीय अनुशासन समितिको नियत र कार्यक्षमता माथी गम्भीर प्रश्न उठेको पौडेलले जनाएका हुन् ।

केन्द्रीय अनुशासन समितिको साउन १० गतेको बैठकले पार्टीका पूर्वसहमहमन्त्री गोविन्दराज जोशी र पूर्वराज्य मन्त्री तथा सांसद पुष्करनाथ ओझालाई ५वर्षसम्म र डडेलधुरा जिल्ला पार्टी कार्यालयका सचिव रामबहादुर विष्टलाई तीन वर्षसम्मको लागि पार्टीको साधारण सदस्यताबाट निकाल्ने निर्णय गरेको थियो ।

सम्बन्धित समाचार

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७७ श्रावण १५, १४: ४७

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...

हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
  • २०७७ श्रावण १५, १४: ४७

काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७७ श्रावण १५, १४: ४७

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...