- अनामनगर काठमाडौँ
- infobikalpa21@gmail.com
दमौली : तनहुँया दमौलीइ च्वप्याखंवंपिं ओमबहादुर गुरुङ, टेकप्रसाद गुरुङ व इन्द्रध्वज गुरुङं मारुनी जुयाः पाउदुरे प्याखं ल्हुयाः वयाच्वंगु दु । व्यास नगरपालिकाय् च्वंगु तमु सुधार समाजय् आबद्ध जुयाः इपिं ताःईन्ह्यःनिसें पाउदुरे प्याखं संरक्षण अभियानय् जुयाच्वंगु खः । समाजय् ल्याय्म्हत मदुबलय् ज्याथःजिथिपिंसं पाउदुरे प्याखं संरक्षण यानावयाच्वंगु दु ।
पाउदुरे प्याखंया निंतिं ख्यामबहादुर गुरुङ व चामबहादुर गुरुङं गुरुबाया भूमिका यानावयाच्वंगु दु । अथेहे हिरालाल गुरुङ, ओमराज गुरुङं मादलेया भूमिका यानावयाच्वंगु दु ।
ल्याय्म्हत शिक्षा, रोजगारीया झ्वलय् गां पिने वनाच्वंगुलिं ज्याथःजिथःपिंसं सांस्कृतिक म्हसीका दुथ्याःगु प्याखं संरक्षण व प्रवर्द्धन यायेगु तातुनाः प्याखं हुलाः वयाच्वंगु समाजया नायः मनबहादुर गुरुङं धयादिल । वय्कलं धयादिल, “पाउदुरे प्याखं लोप जुइके मबिइत ल्याय्म्हपिं मदुसां ज्याथःजिथःपिंसं थुकिया संरक्षण अभियानय् वःगु दु ।” पाउदुरे गुरुङ जातिया लोपोन्मुख प्याखं जूगुलिं थुकिया संरक्षण यायेमाः धकाः थःपिं जुयागु गुरुङया धापू खः ।
लिपांगु पुस्तातय्त पाउदुरे प्याखं स्यनाः थुकिया संरक्षण व सम्वर्द्धन अभियानय् ब्वति कायेकेगु योजना दूगु ओमबहादुर गुरुङं धयादिल । वय्कलं धयादिल, “पाउदुरे प्याखं गुरुङ जातिया लोकंह्वाःगु प्याखं जूगुलिं थुकिया संरक्षण यायेत जिपिं जुयागु दु । गामय् दुपिं ल्याय्म्हतय्त प्याखं स्यनाः न्हू पुस्ता लःल्हानाः थुकिया संरक्षण व प्रवर्द्धन यायेगु योजना दयेकूगु दु ।”
तमु विद्यार्थी छोंज धिंको शनिवाःनिसें दमौलीइ न्ह्याःगु भिंmनिगूगु महाधिवेशन उद्घाटन ज्याझ्वलय् वय्कःपिनिगु पुचलं पाउदुरे प्याखं न्ह्यब्वःगु दु । ज्याझ्वलय् ब्वतिकाःपिंसं प्याखं बांलाः धकाः थःगु लिसः ब्यूगु दु ।
ओमबहादुरया कथं पाउदुरे प्याखनय् बिजबारे, मारुनी, मादले, गुरुलगायत प्याखँम्वं मदयेकं मगाः । “थ्व प्याखं मिजं नं मिसा वसः व तिसा तियाः मिसातथें जुयाः प्याखं ल्हुइगु प्रचलन दु । सिथय् प्याखं ल्हुइपिं निम्ह मिजंतय्त मारुनी व दथुइ प्याखं ल्हुइम्हसित बिजबारे धाइ”, वय्कलं धयादिल ।
प्याखं ल्हुइगु झ्वलय् बिजबारेया भावभङ्गी ज्वनाः मारुनीं थःयात न्ह्यब्वयेमाःगु गुरुङ समुदायया न्ह्यलुवां धयादिल । म्ये हालीम्ह मू मनूयात गुरुबा धाइ । गुरुबा नं म्ये हालीगु व झ्वःलिसें च्वनाच्वंपिं स्वम्हसिनं मादलेलगायत मेमेपिंसं नं म्येयात त्वःपुयाः लय तयेगु याइ । पाउदुरे प्याखं ल्हुइबलय् प्यंगू हे दिशाया द्यःपिन्त लुमंकेगु चलन दूगु ओमबहादुरं न्ह्यथनादिल ।
संखुवासभा : नेपाली कांग्रेसभित्र आन्तरिक सुधार, सुशासन र पार्टी रूपान्तरणको मुद्दालाई लिएर देशव्यापी अभियान तीव्र पारिएको छ। यसै क्रममा पार्टीका...
काठमाडौँ : चालु आर्थिक वर्ष पूरा हुन १९ दिन बाँकी हुँदा सरकारले राजश्व संकलनमा लक्ष्यको ७५ दशमलव १७ प्रगति हासिल...
काभ्रेपलाञ्चोक : स्तरोन्नति भइरहेको अरनिको राजमार्गअन्तर्गत धुलिखेल–खावा सडकखण्डलाई तीव्रता दिन असार तेस्रो सातादेखि १५ दिन रातको समयमा सवारीसाधन आवागमनमा रोक...
