- अनामनगर काठमाडौँ
- infobikalpa21@gmail.com
येँ : सरकारं राष्ट्रिय कर दिवसया झ्वलय् च्वन्ह्याःपिं करदातातय्त हंगु दु । आन्तरिक राजस्व विभागं आर्थिक वर्ष २०७९÷८० य् दकसिबे अप्वः कर पूपिं करदातातय्त राष्ट्रिय कर दिवस नापं कर सप्ताहया झ्वलय् थौं हंगु खः ।
वंगु आर्थिक दँय् दकसिबे अप्वः आयकर नेपाल दूरसञ्चार कम्पनी लिमिटेडं पूगु खः । एकःति फर्ममध्ये दकसिबे अप्वः आयकर पूगु श्रुति ट्रेडर्सयात नं हःगु दु ।
बस्तु निर्यात कारोबार याइगु कम्पनीपाखे दकसिबे अप्वः आयकर डाबर नेपाल, सूचं प्रविधि सेवा निर्यातपाखे कोडावतार टेक, कृषि नापं पशुपन्छी ख्यलय् अप्वः आयकर पतन्जली आयुर्वेद, बैंक वित्तीय संस्था व बीमाया कारोबार याइगु कम्पनीपाखे नविल बैंक लिमिटेडयात दकसिबे अप्वः आयकर पुलिपिं कम्पनीकथं हंगु खः ।
स्वास्थ्य नापं शैक्षिक संस्थापाखे लुम्बिनी मेडिकल कलेज व टिचिङ हस्पिटल लिमिटेड, पर्यटन व्यवसायपाखे तारागाउँ रिजेन्सी होटल लिमिटेड, वस्तु बनेज्या याइगु कम्पनीइ भाटभटेनी सुपर मार्केट एण्ड डिपार्टमेन्टल स्टोरयात च्वन्ह्याःपिं करदाताकथं हंगु दु ।
वंगु आर्थिक दँय् ५० क्वतिंनिसें छगू अर्बतकया कारोबार याःगु कम्पनीपाखे सिडिएस एन्ड क्लियरिङ लिमिटेडयात च्वन्ह्याःम्ह करदाताकथं हंगु दु ।
ऊर्जामूलक उद्योगपाखे भोटेकोशी पावर कम्पनी, रेमिटेन्स नापं मनी ट्रान्सर्फमर कारोबार याइगु कम्पनीइ सिटी एक्स्प्रेस मनी ट्रान्सफरयात च्वन्ह्याःम्ह करदाताकथं हंगु दु ।
व्यक्तिगत आयकरपाखे दकसिबे अप्वः कर पूम्ह करदाताकथं राजबहादुर शाहयात हंगु दु ।
वि।सं। २०७५ साउन निसें २०८१ असार मसान्त तक क्वःछुनातःगु इलय् छसिकथं व दकसिबे अप्वः मूल्य अभिवृद्धि कर पुलीगु कम्पनीकथं होङ्सी शिवम् सिमेन्टयात सरकारं हंगु दु ।
दँय् ५० क्वतितक कारोबार याइपिं करदातामध्ये सोल्टी इन्टरप्राईजेज व विशेष उद्योगपाखे दकसिबे अप्वः आयकर पूगुलिं वरुण बेभरेजयात हंगु खः । कर दिवसया झ्वलय् तसकं बांलाक ज्या याःगु ज्याकुतितय्त नं हंगु खः ।
संखुवासभा : नेपाली कांग्रेसभित्र आन्तरिक सुधार, सुशासन र पार्टी रूपान्तरणको मुद्दालाई लिएर देशव्यापी अभियान तीव्र पारिएको छ। यसै क्रममा पार्टीका...
काठमाडौँ : चालु आर्थिक वर्ष पूरा हुन १९ दिन बाँकी हुँदा सरकारले राजश्व संकलनमा लक्ष्यको ७५ दशमलव १७ प्रगति हासिल...
काभ्रेपलाञ्चोक : स्तरोन्नति भइरहेको अरनिको राजमार्गअन्तर्गत धुलिखेल–खावा सडकखण्डलाई तीव्रता दिन असार तेस्रो सातादेखि १५ दिन रातको समयमा सवारीसाधन आवागमनमा रोक...
