नेकपा विवाद

नेकपा शिर्ष नेताहरूकाे छलफल मंगलबार पुनः बस्ने गरि सकियाे

नयाँ विकल्प

काठमाडौं– नेकपाभित्र देखिएको विवाद समाधानका लागि प्रधानमन्त्री निवास बालुवाटारमा बसेको बैठक सकिएको छ । आजको बैठकमा पनि कुनै निश्कर्ष भने निस्किएन । छलफल फेरी भोलि मंगलबार साँझ ५ बजे बस्ने गरि सकिएकाे छ ।

सोमबार बिहान ९ बजेपछि सुरु भएको छलफलमा नेकपा अध्यक्ष तथा प्रधानमन्त्री केपी शर्मा ओली अर्का अध्यक्ष प्रचण्ड, बरिष्ठ नेता झलनाथ खनाल तथा संसदीय दलका उपनेता सुवास नेम्वाङ पनि सहभागी थिए ।

हिजो आइतबार बालुवाटारमा बसेकाे बैठकमा पनि यी शिर्ष नेताहरु वीच झन्डै तीन घन्टा बालुवाटारमा कुराकानी भएको थियो ।

हिजोको छलफलमा पनि विवाद समाधानकालागि कुनै निश्कर्ष निस्कन नसकेपछ आज पुनः छलफल गर्ने गरि छलफल सकिएकाे थियाे ।
आइतबारको बैठकका बारे आफु निकट नेताहरुलाइ प्रचण्डले सकारात्मक नभएको जानकारी गराएका थिए ।

वालुवाटारमा भएको उक्त भेटमा पछिल्लो समय नेकपा भित्रको विवाद र चालु स्थायी कमिटिको बैठक सुचारुगर्ने विषयमा छलफल भएको बालुवाटार स्रोतले जनाएको छ ।

गत मंगलबार अध्यक्ष ओलीको सहमति विना अध्यक्ष प्रचण्ड समुहले स्थायी कमिटिको बैठक बोलाउने प्रयास गरेको थियो ।

नेकपा बैठक दुई अध्यक्षको सहमतिमा मात्र बोलाउने पूर्वसहमती विपरित प्रचण्ड समुहले एकलौटी रुपमा बैठक बोलाउने प्रयास गर्नु र प्रधानमन्त्री ओलीविरुद्ध वक्तब्य जारी गरेपछि प्रचण्डसँग ओली थप चिडिएका छन् ।