प्रधानमन्त्रीले भने ‘लिपुलेख, कालापानी र लिम्पियाधुरा फिर्ता लिइन्छ’

काठमाडौं । प्रधानमन्त्री केपी शर्मा ओलीले सरकारले मुलुकको भौगोलिक राजनीतिक नक्सा सार्वजनिक गरेसँगै महाकाली नदि वारीका कालापानी, लिपुलेक र लिम्पयाधुरा भारतबाट फिर्ता लिने घोषणा गरेका छन् ।
प्रतिनिधिसभाको मंगलबारको बैठकमा सरकारले आगामी आर्थिक वर्षको लागि ल्याएको नीति तथा कार्यक्रममा माथि सांसदहरुले उठाएको प्रश्नको जवाफ दिने क्रममा प्रधानमन्त्री केपी शर्मा ओलीले गुमेको भूमि फिर्ता लिने विषयमा भारतसँग ठोस कुटनीतिक पहल गर्ने वताएका हुन् ।
उनले कालपानी लिपुलेक र लिम्पियाधुराको एजेण्डा आफूले कुनै पनि हालतमा ओझेलमा पार्ने वा सेलाउन नदिने प्रतिज्ञा समेत गरे । ‘सन् १८१६ मा लडाइँको वेला नेपालको हो भनेर स्वीकारेको भूमि शान्तिपूर्ण सम्वन्ध भएको वेला टुंग्याउन पछ भनेर म लागेको छु ।’
ओलीले असोकाले स्थापना गरेको चारमुखे सिंहलाई भारतले आफूनो प्रतिक चिन्ह मानेको र त्यो चिन्हको मुनी ‘सत्य मेव जयते’ लेखिएको प्रसंग उल्लेख गर्दै सत्य मेव जयते कि सिंह मेव जयते के हो भन्ने बुझ्न आफैले भारतसँग सोध्ने संसदलाई अवगत गराए ।
प्रधानमन्त्रीले भने ‘म, हामी सवै र नेपालीलाई विश्वास गर्दछौं कि गुमेको भूमि फिर्ता लिन्छौं ।’