साफ च्याम्पियनसिप उपविजेता नेपाली फुटबल टिम

सरकारले प्रोत्साहन स्वरुप खेलाडीलाई जनही पाँच लाख रुपैया दिने

काठमाडौं । नेपाली फुटबल टीमका खेलाडीहरुलाई प्रोत्साहान स्वरुप जनही पाँच लाख दिने निर्णय गरेको छ । माल्दिभ्समा आयोजना गरिएको साफ च्याम्पियनसिप फुटबलमा नेपाली फुटबल टीम उपविजेता बनेको थियो ।

सोमबार सिंहदरबारमा बसेको मन्त्रिपरिषद् बैठकले नेपाली फुटबल टीमका खेलाडीलाई जनही पाँच लाख रुपैया प्रोत्साहन स्वरुप दिने र प्रशिक्षकहरुलाई जनही ३ लाख दिने निर्णय गरेको नेपाल सरकारका प्रवक्ता ज्ञानेन्द्र काकीले बताए ।

सरकारले कार्तिक २ गते मुस्लीम समूदायलाई सार्वजनिक विदा दिने निर्णय पनि गरेको छ । मोहम्मद जयन्तीका अवसरमा मुस्लीम समूदायलाई विदा दिने निर्णय गरेको हो । त्यस्तै अवुधाबी डायलगको छैटौ मन्त्रिपरिषद् परामर्श बैठकमा सहभागी हुन श्रममन्त्रीलाई स्वीकृत दिने निर्णय पनि बैठकले गरेको छ । त्यस्तै बैठकले बिभिन्न मन्त्रालयहरुमा अस्थायी दरवन्दी सिर्जना गर्न स्वीकृति दिने निर्णय पनि गरेको प्रवक्ता कार्कीले जानकारी दिनुभयो ।

मन्त्रिपरिषद्ले लोकसेवा आयोग र बढुवा समितिको सिफारिस अनुसार राजपत्राङ्कित प्रथम श्रेणीका बिभिन्न पदहरुमा नियुक्ती गर्ने निर्णय पनि गरेको छ ।