- अनामनगर काठमाडौँ
- infobikalpa21@gmail.com
पोखरा । अखिल नेपाल फुटवल एसोसियशनले कास्कीमा ९० करोडको लगानीमा एन्फा एकेडेमी निर्माण गर्ने भएको छ । माछापुच्छ्रे गाउँपालिका भेडाबारीमा टेक्निकल सेन्टर निर्माण गर्न लागिएको एसोसियशनले जनाएको छ ।
फिफाको आर्थिक सहयोगमा साढे ३ सय रोपनी क्षेत्रफलमा सो सेण्टर निर्माण गर्न लागिएको एन्फाका प्रमुख कार्यकारी निर्देशक गोकुल थापाले नयाँ विकल्पलाई बताए । टेक्निकल सेण्टर निर्माणका लागि सबै प्रक्रिया पूरा भैसकेको उनको भनाइ छ । उनका अनुसार ३४२ रोपनी जग्गा २० वर्षका लागि भोगचलनको सम्झौता भैसकेको छ ।
अहिले वातावरणीय प्रभाव मूल्यांकनको काम अन्तिम चरणमा गरिरहेको भन्दै प्रतिवेदन मन्त्रालयमा पुगिसकेको जानकारी दिए । ४ खेल मैदानसहित होस्टेल, जिम हल, गेस्ट रुम, स्विमिङ पुल, पुस्तकालय लगायत संरचना त्यहाँ निर्माण गरिने थापाले बताए । सोही ठाउँमा ८० जना बालबालिकालाई अभ्यासका लागि नियमित राख्ने योजना रहेको उनले सुनाए ।
निर्माणपछि अन्तर्राष्ट्रिय प्रतियोगिता समेत सन्चालन गर्न सकिने थापाको भनाइ छ । संरचना निर्माणका लागि फिफाले २० लाख डलर पठाएको थापाले जानकारी दिए । जसमा पहिलो चरणका कामका लागि १७ करोड रुपैयाँ खर्च हुने बताइएको छ । यसअघि गाउँपालिका र निर्वाचन क्षेत्र पुर्वाधार विकास कार्यक्रम मार्फत १ करोडको काम भैसकेको थापाले बताए ।
काठमाडौं : हाल देशमा पश्चिमी वायुको आंशिक प्रभाव रहेको तथा हिमाली र पहाडी भागमा आंशिक बादल लागेको छ । मौसम...
काठमाडौं : नेपाल प्रिमियर लिग (एनपिएल)मा आज लिग चरणका अन्तिम दुई खेल हुँदै छन् । आज कीर्तिपुरस्थित त्रिवि क्रिकेट मैदानमा...
काठमाडौँ : मधेश प्रदेशका प्रमुख सुरेन्द्रलाभ कर्णले नयाँ सरकार गठनका लागि मुख्यमन्त्री पदमा दाबी पेस गर्न आह्वान गरेका छन् ।...
