- अनामनगर काठमाडौँ
- infobikalpa21@gmail.com
काठमाडौं । साफ यु–१९ महिला च्याम्पियनसिप फुटबल अन्तरगत ढाकास्थित सहिद सिपाही मुस्तोफा कमल स्टेडियममा भएको खेलमा नेपाल १–० ले भारतसँग पराजित भएको छ । योसंगै भारत च्याम्पियनसिपको फाइनल चरणमा पुगेको हो ।
नेपालले पहिलो १५ मिनेटमा प्रतिस्पर्धामक खेल खेले पनि बाँकी समय भारतले आक्रामक खेल खेलेको थियो । भारतले आक्रामक खेल खेलेपनि पहिलो हाफमा गोल गर्न सकेको थिएन् । नेपाली खेलाडीले बल पोजिसनमा राख्न नसक्दा भारतले पहिलो हाफमा निकै दबाबपूर्ण खेल प्रदर्शन गरेको थियो ।
प्रतियोगिताभर उत्कृष्ट प्रर्दशन गर्दै नेपाली टिमकी गोलरक्षक आञ्जना रानामगरले भारतीय टिमको कैयौँ प्रयासलाई विफल पारिन् । भारतका लागि यो खेल गर या मरको स्थितिमा थियो भने नेपालले यो खेल बराबरीमा रोक्दा मात्र पुग्ने थियो ।
खेलको ५१ औं मिनेटमा नेपाली खेलाडी अमिसा कार्कीको पासमा सविता राना मगरको प्रहार पोस्ट माथिबाट बाहिरियो भने ५८ औं मिनेटमा भारतकी जर्सी नम्बर ८ की मडिअम्बलको पासमा लिन्डाको हेडरमार्फत सटिक प्रहारलाई नेपालले विफल पारेको थियो ।
भारतीय खेलाडी पि देवी नावोरेमले खेलको ६७औं मिनेटमा सटिक गोल गर्दै भारतलाई फाइनलमा प्रवेश गराइन् । नेपाल भने फाइनल पुग्न श्रीलंका र बंगलादेशबीच हुने खेलमा श्रीलंकाको जित हुनुपर्ने छ । यससंगै नेपालको ४ खेलमा २ जित र १ बराबरी र १ हारसहित फाइनलको सपना सकिएको छ ।
काठमाडौं : डा. गाेविन्द केसी र सरकारबीच ७ बुँदे सहमति भएकाे छ । साेमबार सरकारसँग सहमति भएसँगै डा.केसीले अनशन ताडेका...
काठमाडौं : सुदूरपश्चिम प्रदेशअन्तर्गत दार्चुलाको शैल्यशिखर नगरपालिका–९ स्थित श्री गोकुलेश्वर माध्यमिक विद्यालयको भवन निर्माणका लागि सोमबार शिलान्यास गरिएको छ ।...
काठमाडौं : गृह मन्त्रालयले गएराति सुनसरीमा भएको घटनालाई लिएर त्यहाँका प्रमुख जिल्ला अधिकारी (सिडिओ) बासुदेव घिमिरेसहित सुरक्षा निकायका प्रमुखहरुलाई फिर्ता...
