पर्यटन पर्वद्धन गर्न नगरकोटमा कार्तिक २३ गतेदेखी सडक महोत्सव गरिँदै – Naya Bikalpa
November 21, 2026, Saturday      Epaper

पर्यटन पर्वद्धन गर्न नगरकोटमा कार्तिक २३ गतेदेखी सडक महोत्सव गरिँदै

काठमाडौं । पर्यटकीय गन्तव्यको रूपमा परिचित राजधानीको सबैभन्दा नजिकको क्षेत्र नगरकोटमा सडक महोत्सव २०८० हुने भएको छ ।
नगरकोट क्षेत्रको विकास र सम्भावनाको क्षेत्रमा अतुलानीय काम गरिरहेको नगरकोट नाल्दुम पर्यटन विकास समितिको आयोजनामा यहि कार्तिक २३ गतेदेखि २५ सम्म सडक महोत्सव आयोजना गरिएको हो ।

नगरकोट घुमौँ, नगरकोट चिनौं भन्ने नाराका साथ आयोजना गरिन लागेको महोत्सवमा सडकमै खाने, सडकमै रमाइलो गर्ने, गराउने र पर्यटकलाई आकर्षित गर्न राष्ट्रिय स्तरका कलाकारको बेजोड प्रस्तुती रहने समितिका अध्यक्ष नविन गुरुङले बताए ।

नगरकोटमा रैथाने स्थानीय उत्पादन र त्यसको स्वाद चाख्न पाईने भएकाले सबैको उपस्थिति नगरकोटमा हुने प्रवक्ता रोहित मोक्तानले बताए । कोरोना महामारीको कारण सुस्ताएको नगरकोटको आर्थिक गतिविधि र पर्यटनलाई गति दिन महोत्सवले विशेष भूमिका खेल्ने चाँगुनारायण नगरपालिका वडा नं. ६ का अध्यक्ष धनबहादुर लामाले बताए ।

महोत्सवमा २५ वटा स्टल रहने भएकाले स्टल बुकिङ्ग खुल्ला गरिएको प्रदिप अधिकारीले बताए । साँस्कृतिक कार्यक्रमले नगरकोट गुञ्जायमान हुने आयोजकले बताएका छन् ।

कार्यक्रममा काभ्रेको मण्डन देउपुर नगरपालिका, बनेपा नगरपालिका, भक्तपुरको चाँगुनारायण नगरपालिका र काठमाडौको साँखु नगरपालिकाका मेयरहरू सहित बुद्धिजीवि, समाजसेवि, विभिन्न संघसंस्था र जनसमुदायको उल्लेख्य सहभागीता रहने जनाइएको छ ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०८० आश्विन २४, २०: ००

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०८० आश्विन २४, २०: ००

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०८० आश्विन २४, २०: ००

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...