
रोल्पा । रोल्पाको थबाङ गाउँपालिका–५, कोटलबारामा अविरल वर्षासँगै आएको पहिरोले घर तथा गोठ पुरिँदा दुई जनाको मृत्यु भएको छ । घटनामा दुई जना घाइते भएका छन् भने थप १० जना बेपत्ता भएको आशंका गरिएको छ ।
बुधबार राति करिब ८ः४० बजे माथिबाट खसेको पहिरोले स्थानीय कमलबहादुर पुन मगरको घरसहित करिब ६ घर तथा गोठ पुरिएका थिए । पहिरोमा परी १८ वर्षीया शान्ति पुन मगर र ६० वर्षीय कमलबहादुर पुन मगरको मृत्यु भएको प्रहरीले जनाएको छ ।
पहिरोमा पुरिएका २२ वर्षीय हिमाल पुन मगर र २५ वर्षीय सञ्जय घर्ती मगरलाई स्थानीयवासीको सहयोगमा राति करिब ११ः५५ बजे घाइते अवस्थामा उद्धार गरिएको थियो ।
थप उद्धार तथा खोजीका लागि जिल्ला प्रहरी कार्यालय रोल्पाबाट प्रहरी नायब उपरीक्षक पञ्चकुमार बाखुको नेतृत्वमा विपद् उद्धार सामग्रीसहित १३ जनाको टोली बिहीबार बिहान घटनास्थल पुगेको छ । प्रमुख जिल्ला अधिकारी गंगाबहादुर क्षेत्रीसमेत घटनास्थल पुगेर उद्धार कार्यको अवस्थाबारे जानकारी लिएका छन् ।
प्रारम्भिक विवरणअनुसार पहिरोमा थप १० जना पुरिएको आशंका गरिएको छ । घटनास्थलमा नेपाल प्रहरी, स्थानीयवासीसहितको टोलीले खोजी तथा उद्धार कार्य जारी राखेको छ । पहिरोका कारण केही व्यक्तिसँग सम्पर्क हुन नसकेकाले घटनाको थप क्षतिको विवरण आउन बाँकी रहेको प्रहरीले जनाएको छ ।
काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...