- अनामनगर काठमाडौँ
- infobikalpa21@gmail.com
काठमाडौं । प्रतिनिधिसभा अन्तर्गतका पाँच समितिको बैठक आज बस्दैछ। विभिन्न विषयमा छलफल तथा प्रतिवेदनमाथि विचार–विमर्श गर्न समितिहरूको बैठक बस्न लागेको हो।
आज बिहान साढे ९ बजे बस्ने अर्थ समितिको बैठकमा उपसमितिहरूले तयार पारेका प्रतिवेदनमाथि छलफल हुने कार्यसूची रहेको छ।
त्यस्तै, बिहान १० बजे बस्ने अन्तर्राष्ट्रिय सम्बन्ध तथा पर्यटन समितिको बैठकमा ‘अभौतिक सांस्कृतिक सम्पदा (संरक्षण) विधेयक, २०८१’ मा परेका संशोधनमाथि संशोधनकर्ता सांसदहरूसँग छलफल गरिनेछ।
कृषि तथा प्राकृतिक स्रोत समितिको बैठक बिहान ११ बजे बस्नेछ। बैठकमा जैविक तथा प्राङ्गारिक मलको प्रयोगको अवस्था, माटोको स्वास्थ्य तथा दिगो कृषि विकासमा यसको सम्भाव्यताबारे छलफल हुनेछ।
यसैगरी, बिहान १० बजे बस्ने पूर्वाधार विकास समितिको बैठकमा खानेपानी आपूर्ति कार्ययोजनाको प्रतिवेदनमाथि छलफल हुने कार्यसूची छ।
महिला तथा सामाजिक मामिला समितिको बैठक बिहान ११ बजेदेखि सुरु हुनेछ। बैठकमा राष्ट्रिय दलित आयोगको कामकारबाही तथा प्रगतिबारे छलफल गरिनेछ।
यसरी प्रतिनिधिसभाका पाँच समितिले आज आ–आफ्नो कार्यक्षेत्रसँग सम्बन्धित महत्वपूर्ण विषयमा छलफल तथा समीक्षा गर्ने भएका छन्।
काठमाडौं । नेपाली कांग्रेसको १५औँ केन्द्रीय महाधिवेशन आगामी मंसिर २१, २२ र २३ गते काठमाडौंमा हुने भएको छ । नेपाली...
काठमाडौं । परराष्ट्रमन्त्री शिशिर खनालले रसुवागढीस्थित भोटेकोशी नदीमा आएको विनाशकारी बाढीको अवस्था, सरकारको खोज तथा उद्धार प्रयास, विदेशी नागरिकको अवस्था...
काठमाडौं । प्रधानमन्त्री बालेन शाहले भोटेकोशी बाढीबाट भएको क्षति तथा सरकारले सञ्चालन गरिरहेको उद्धार, राहत र पुनःस्थापनाका कामबारे प्रतिनिधिसभालाई जानकारी...
