कोशीका मुख्यमन्त्री कार्कीले पाए विश्वासको मत – Naya Bikalpa
November 22, 2026, Sunday      Epaper

कोशीका मुख्यमन्त्री कार्कीले पाए विश्वासको मत

विराटनगर ।  कोशी प्रदेशका मुख्यमन्त्री हिक्मतकुमार कार्कीले प्रदेशसभाबाट विश्वासको मत प्राप्त गरेका छन् । सोमबार प्रदेशसभामा भएको मत विभाजनमा कार्कीको पक्षमा ५७ मत परेको छ भने विपक्षमा २२ मत परेको छ । ४ सांसद तटस्थ बसेका छन् ।

९२ सदस्यीय कोशी प्रदेशसभाको बैठकमा ८३ सांसद उपस्थित थिए । सरकारलाई निरन्तरता दिन ४७ सांसदको समर्थन आवश्यक पर्नेमा कार्कीले आवश्यकभन्दा १० मत बढी प्राप्त गरेका हुन् ।

कोशी प्रदेशसभामा एमालेका ४०, नेपाली कम्युनिष्ट पार्टीका १७, कांग्रेसका २९, राप्रपाका ५ र जसपाका १ सांसद छन् ।

कांग्रेसले भदौ ३ गते प्रदेश सरकारलाई दिएको समर्थन फिर्ता लिएपछि मुख्यमन्त्री कार्कीले संवैधानिक व्यवस्थाअनुसार विश्वासको मत लिनुपर्ने अवस्था आएको थियो । कांग्रेसले समर्थन फिर्ता लिए पनि एमालेले नेपाली कम्युनिष्ट पार्टीलाई सरकारमा सहभागी गराउँदै नयाँ सत्ता समीकरण बनाएको छ ।

कार्कीले यसअघि पनि दुई पटक विश्वासको मत लिइसकेका छन् । संविधानको धारा १६८ को उपधारा ५ अनुसार २०८१ वैशाख २७ गते मुख्यमन्त्री नियुक्त भएका उनले वैशाख ३१ गते पहिलो पटक विश्वासको मत लिएका थिए । त्यतिबेला प्रदेशसभामा उपस्थित ६२ सांसदमध्ये ५७ जनाले उनको पक्षमा मतदान गरेका थिए भने ५ जना तटस्थ बसेका थिए ।

त्यसपछि एमाले र कांग्रेसबीच सत्ता सहकार्य बनेपछि कार्कीले २०८१ असोज २ गते दोस्रो पटक विश्वासको मत लिएका थिए । दोस्रो पटकको मतदानमा ८३ सांसद सहभागी हुँदा कार्कीको पक्षमा ६६ र विपक्षमा १५ मत परेको थियो ।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ भाद्र ८, १६: ४३

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ भाद्र ८, १६: ४३

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...

सरोजकुमार यादव मधेस प्रदेशको मुख्यमन्त्री नियुक्त
सरोजकुमार यादव मधेस प्रदेशको मुख्यमन्त्री नियुक्त
  • २०८३ भाद्र ८, १६: ४३

जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...