थाहा पत्रकारिता पुरस्कारबाट दुई पत्रकार सम्मानित – Naya Bikalpa
November 20, 2026, Friday      Epaper

थाहा पत्रकारिता पुरस्कारबाट दुई पत्रकार सम्मानित

नयाँ विकल्प,

हेटौँडा । थाहा आन्दोलनका प्रणेता तथा जनमुखी नेता रुपचन्द्र विष्टको ८८औँ जन्मजयन्ती तथा थाहा दिवसका अवसरमा यहाँका दुई पत्रकार सम्मानित भएको छ । उनीहरुलाई थाहा पत्रकारिता पुरस्कारबाट सम्मान गरिएको हो ।

मकवानपुरको थाहा नगरमा रुपचन्द्र विष्टले नै निर्माण गरेको विकास घरमा आयोजित कार्यक्रममा पत्रकारहरु शान्तराम बिडारी र कृष्णसारु मगर सम्मानित भएको हो ।

थाहा आन्दोलनले जनतालाई सूचनाको हक दिने र पत्रकारिताले पनि सोही कार्य गर्ने भएकाले थाहा दिवसमा पत्रकारिता पुरस्कार वितरण गरिएको आयोजकले जनाएको छ ।

मकवानपुरका छाप्रामा रहेका जनता जगाउने जनमुखी नेताको नाममा स्थापित पुरस्कारको रकम हरेक वर्ष मकवापुरका अग्रज पत्रकार प्रताप विष्टले उपलब्ध गराउँदै आएको छ । गत वर्ष कोरोना महामारीका कारण उक्त कार्यक्रम रोकिएकाले यस वर्ष २ वर्षको एकै पटक दुई जनालाई सम्मानित गरिएको पत्रकार विष्टले जानकारी दिए ।

दामन पोस्ट साप्ताहिक तथा दामन पोस्ट डट कमका प्रकाशक सम्पादक शान्तराम बिडारीलाई थाहा पत्रकारिता पुरस्कार २०७८ बाट सम्मानित गरिएको छ ।

थाहा पत्रकारिता पुरस्कार प्राप्त गरेपछि पत्रकार शान्तराम बिडारीले रुदाने र थाहाका नाममा पाएको सम्मान आफ्नो जीवनकै अमूल्य सम्मान रहेको बताउँदै पत्रकारिताबाट अझ सशक्त र जनमुखी तथा जनतालाई थाहा दिने सवालमा अझ जुझारु हुन प्रेरणा मिलेको बताए । उनले आफ्नो पुरस्कार राशिबाट थाहा अभियान सञ्चालन गर्न फरक सोचका अध्यक्ष यादव रायमाझीलाई हस्तान्तरण गरे ।

त्यसैगरी पत्रकार महासङ्घ बागमती प्रदेशका महासचिव तथा एपी वन टेलिभिजन, अन्नपूर्ण दैनिकका बागमती ब्यूरो प्रमुखसमेत रहेका पत्रकार मगरलाई थाहा पत्रकारिता पुरस्कार–२०७७ र विगत लामो समयदेखि काठमाडौँमा रहेर पत्रकारिता तथा पत्रकारिता अध्यापन गराउँदै आएका बाट सम्मानित भयो ।

सम्मानित हुने पत्रकारलाई प्रमुख अतिथि रामनारायण बिडारी, कार्यक्रम संयोजक फरक सोचका अध्यक्ष यादव रायमाझी, थाहा नगर प्रमुख लवशेर विष्ट, मनहरि गाउँपालिकाका अध्यक्ष एकराज उप्रेतीले प्रशंसापत्र नगद तथा खादा ओढाएर सम्मान गरेको थियो ।

सम्बन्धित समाचार

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७८ पुष २६, २१: ४५

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...

आजको मौसम : तराई र उपत्यकामा हुस्सु तथा कुहिरो लाग्ने
आजको मौसम : तराई र उपत्यकामा हुस्सु तथा कुहिरो लाग्ने
  • २०७८ पुष २६, २१: ४५

काठमाडौं । हाल नेपालमा कुनै उल्लेखनीय मौसमी प्रणालीको प्रभाव नरहेको मौसम पूर्वानुमान महाशाखाले जनाएको छ । महाशाखाका अनुसार देशको हिमाली...

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०७८ पुष २६, २१: ४५

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...