विराटनगर । कोशी प्रदेश सरकारमा सहभागि भएको एमालेले सरकारलाई दिएको समर्थन तत्काल फिर्ता नलिने जनाएको छ ।
संविधानको धारा १६८ को उपधारा ५ अनुसार गठन सरकारलाई दिएको समर्थन फिर्ता लिन कानुनी जटिलता देखाउँदै तत्काल फिर्ता नलिने जनाएको हो ।
सरकारबाट बाहिरिएपछि एमाले संसदीय दलका नेता हिक्मतकुमार कार्कीले अब प्रतिपक्षमा बस्ने बताए । उनले भने, ‘हामी प्रतिपक्षमा बस्छौं, सरकारका गतिविधि, काम कारवाहीले समर्थनको विषय निर्धारण गर्छौं।’
केदार कार्कीलाई मुख्यमन्त्री बनाउन सहयोग गरेको बताउँदै उनले सत्तारूढ गठबन्धन सहभागी भएपछि सरकारबाट एमाले बाहिरिएको बताए ।
नेकपा एमालेको समर्थनमा २७ असोजमा मुख्यमन्त्री नियुक्त भएका कार्कीले २८ असोजमा सपथग्रहण गरेका थिए ।
एमालेबाट राम राना र काङ्ग्रेसबाट समशेर राईलाई विना विभागीय मन्त्री सोही दि नियुक्त गरेका थिए । १ कात्तिकमा उनलाई राप्रपाबाहेक सबै दलले विश्वासको मत दिएका थिए ।
९३ सदस्यीय प्रदेशसभामा उनले ८६ जनाको समर्थन पाएका थिए । उनलाई समर्थन गर्ने सत्तारुढ गठबन्धनमा ४७ जना सांसद छन् ।
एमालेले समर्थन फिर्ता लिए राप्रपालाई सहभागी गराउने मुख्यमन्त्री कार्कीले विकल्प सोचेको बताए । राप्रपा सरकारमा सहभागी भएको अवस्थामा उनको पक्षमा ५३ जना सांसद हुनेछन् ।
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...
काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...
धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...