
नया विकल्प,
काठमाडौं । नेपाली कांग्रेसका प्रभावशाली नेता डा. शेखर कोइरालाले केपी शर्मा ओली नेतृत्वको सरकार पारदर्शी र जवाफदेही नभएको आरोप लगाएका छन् ।
काठमाडौंको बसन्तपुर विगत १७ दिनदेखि अनसन बसीरहेका इनफ इज इनफका अभिययन्ता युवा ‘ई’ को अभियानमा ऐक्यबद्धता जनाउन अनसनस्थल पुगेका डा. कोइरालाले यस्तो आरोप लगाएका हुन् ।
‘कोरोना भाइरसको संकटको समयमा पनि सरकार अधिनायकवादतर्फ गइरहेको छ’, डा. कोइरालाले भने, ‘सरकारले विज्ञहरुका कुरा सुनेको छैन, जवाफदेही र पारदर्शी पनि छैन ।
कोभिड–१९ को सबल ब्यवस्थापनको माग राख्दै १६ दिन देखि सत्याग्रहमा रहेका ‘इ’ लाई भेट्न नेता कोइराला कांग्रेस केन्द्रीय सदस्यहरु गुरुराज घिमिरे र जीवन परियारलाई साथ लिएर सत्याग्रह स्थल पुगेका थिए ।
डा.कोइरालाले युवाहरुको अगुवाइमा भएको सत्याग्रहमा आफ्नो पूर्णसमर्थन रहेको भन्दै संसद र सडकमा प्रतिपक्षको खोजी भइरहेको समयमा युवाहरुले यस्ता गतिविधि गरेर सरकारलाई खबरदारी गरेकोमा धन्यवाद समेत दिए ।
सत्याग्रहमा बसेका युवाहरूको मागलाई सम्बोधन गर्न सरकारलाई आफूहरूले आवश्यक दबाब दिने प्रतिबद्धता जनाउँदै नेता कोइरालाले कोरोना भाइरसको प्रभावकारी व्यवस्थापन गर्न माग गरे ।
कांग्रेस केन्द्रीय सदस्य गुरुराज घिमिरेले पछिल्ला दिनमा सत्याग्रही समर्थित युवाहरूहरुको शान्तिपूर्ण प्रदर्शनमा सरकारले गरेको अमानवीय ब्यबहार र धरपकडले आफूहरुलाई दुखित बनाएको बताए ।
यसअघि कांग्रेस सभापति शेरबहादुर देउवा, वरिष्ठ नेता रामचन्द्र पौडेल, प्रकाशमान सिंह र कृष्ण सिटौलले छुट्टाछुट्टै भेटेर अभियानप्रति एैक्यबद्धता जनाएका थिए ।
काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...
काठमाडौं । हाल नेपालमा कुनै उल्लेखनीय मौसमी प्रणालीको प्रभाव नरहेको मौसम पूर्वानुमान महाशाखाले जनाएको छ । महाशाखाका अनुसार देशको हिमाली...
ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...