- अनामनगर काठमाडौँ
- infobikalpa21@gmail.com
नयाँ विकल्प,
काठमाडौं – राजधानीको बालाजुस्थित जनमैत्री अस्पताल तत्काल संचालन गरी सेवा प्रदान गर्न काठमाडौं महानगरपालिकाको १६ वडाका अध्यक्ष मुकुन्द रिजालले माग गरेका छन् ।
महानगरको सबैभन्दा ठूलो वडाको रुपमा चिनिएको १६ नम्वर वडा कार्यालयले शुक्रबार जनमैत्री अस्पताललाई पत्राचार गर्दै तत्काल अस्पताल संचालन गरी सेवा प्रदान गर्न माग गरेको हो ।
‘बिश्वब्यापी महामारीको रुपमा फैलिदै गइरहेको कोरोना भाइरस कोभिड –१९ संक्रमणको जटिल परिस्थितिमा नेपाल समेत जोखिममा परेको हालका दिनहरुमा काठमाडौँ उपत्यका र काठमाडौँ महानगरपालिका वडा न १६ भित्र समेत कोरोना संक्रमण बढ्दै गएकाले तत्काल अस्पताल खोलियोस’, पत्रमा भनिएको छ ।
संक्रमण बढ्दै जादाँ संक्रमितहरुका लागि स्वास्थ्य सेवा उपलब्ध गराउन समेत कठिन हुने सम्भावना रहेको जटिल परिस्थितिमा १६ नंम्वर वडामा रहेको जनमैत्री अस्पताल तत्काल खोलेर आमजनता लाई सुविधा दिन माग गरिएको छ ।
वडाध्यक्ष रिजालले तत्काल अस्पताल संचालन गरी कोरोना संक्रमणको सम्भावित जोखिमलाई न्युनिकरण, नियन्त्रण तथा व्यवस्थापनमा सहजीकरण गर्न माग गरेका छन् ।
अस्पताल संचालन गर्ने क्रममा कुनै पनि समस्या उत्पन्न भएमा काठमाडौँ महानगरपालिका, वडा न १६ वडा कार्यालयबाट आवश्यक सहयोग उपलब्ध हुने वडा अध्यक्ष मुकुन्द रिजालले बताए ।
काठमाडौं : हाल देशमा पश्चिमी वायुको आंशिक प्रभाव रहेको तथा हिमाली र पहाडी भागमा आंशिक बादल लागेको छ । मौसम...
काठमाडौँ : मधेश प्रदेशका प्रमुख सुरेन्द्रलाभ कर्णले नयाँ सरकार गठनका लागि मुख्यमन्त्री पदमा दाबी पेस गर्न आह्वान गरेका छन् ।...
भक्तपुर । भक्तपुरको राधेराधेस्थित प्रजापति कम्प्लेक्सको पाँचौँ तलामा रहेको एक रेस्टुरेन्टमा शनिबार बिहान आगलागी भएको छ। शनिबार बिहान करिब ७...
