
१. प्रतिनिधि सभाको सातौँ अधिवेशनले दिने सकारात्मक सन्देश सुन्न र देख्नका लागि नेपाली जनता लालायित छन् ।
पुस ५ गते प्रधानमन्त्री केपी शर्मा ओलीको सरकारले हठात् बिघटन गरेको प्रतिनिधि सभा सर्वोच्च अदालतले फागुन ११ गते पुस ५ भन्दा पहिलेकै अवस्थामा पुनस्र्थापना गरेकाले र १३ दिनभित्रमा बाध्यकारी अवस्थामा अधिवेशन बोलाउन भनेकोले फागुन २३बाट अधिवेशन सुरु भएको हो ।
संघीय संसदको तल्लो सदनको बैठक बस्ने हुँदा पनि सरकारका मन्त्रीहरुले त्यही रटना लगाइरहेका छन्-अहिलेको राजनीतिक समस्यको समाधान भनेको ताजा निर्वाचन नै हो ।
२. संसदको जोड घटाउले के देखाउँछ भने अबका दिन ओली सरकारका लागि सहज छैन र अरुलाई पनि अहिलेको सरकार हटाएर अर्को स्थायी सरकार बनाउनका लागि सजिलो छैन ।
जसरी पनि संसदीय व्यवस्थालाई असफल बनाउने खेलमा राजनीतिक दलहरु जानेर, नजानेर लागिरहेका छन् । कम्युनिस्टहरुका लागि भनिने गरिन्थ्यो—खसीको मासु टेबलमा देखाएर कुकुरको मासु बेच्छन् ।
अर्थात् मनमा या नियतमा खोट राखेर उदार प्रजातन्त्रको दुरुपयोग गरिन्छ त्यो बेलासम्म जबसम्म आफ्नो दलको निहित स्वार्थ पूरा गर्ने बेला आउँदैन ।
३.जब संसद बिघटन गर्ने काम भयो, त्यसको पक्षमा बोल्ने प्रधानमन्त्रीले त्यो बेलामा नैतिक आधारमा राजीनामा दिनुपथ्र्यो जुनबेलामा उनको सिफारिसअनुसार भएको बिघटन बदर भएको थियो । राजीनामा भनेको स्वेच्छाले र नैतिकताका आधारमा दिने कुरा हो ।
कसैले भनेर त कसैले राजीनामा दिने नै होइन तर आफैँले मृत्युवरण गराएको संसद ब्युँतिए पछि आफ्नो राजनीतिक गणना असफल भएको किन नबुझेको होला ?
४.फेरि ब्युँतिएको संसदमा पनि चलखेल गरेर संसदीय व्यवस्था भनेको फोहोरी खेलको थलो हो भन्ने प्रमाणित गर्ने बेला आएको छ भने त्यसलाई संसदवादीहरुले नै असफल बनाउन सक्नुपर्छ ।
५. अहिलेको सरकारको विकल्प भनेको अर्को सरकार नै हो । त्यो पनि नेकपाकै । सरल बाटो हिँड्दा प्रधानमन्त्री केपी शर्मा ओलीले राजीनामा दिने र एकीकृत संसदीय दलबाट वहुमतमा संसदीय दलको नेता चुनेर प्रधानमन्त्रीका लागि नेपालको संविधानको धारा ७६.१ अनुसारको सरकार बनाउने ।
नैतिकताको प्रश्न गर्ने हो भने अबको संसदीय दलको नेतामा ओलीलाई पार्टीले उठ्ने नै अनुमति दिनु हुँदैन तर के देखिएको छ भने ओलीले बाटो पनि नछोड्ने र अर्को कसैलाई सरकारमा आउन नदिने ।
६. यसले संसदमा मुठभेड निम्तने छ । अहिलेको अवस्था हेर्दा त्यो मुठभेड भौतिकरुपमा पनि हुनेछ र सरकारमा रहने पक्ष यसमा फाइदामा रहनेछ ।
तर जनताका आँखामा सत्ताका लोभीले गरेको कामहरु बिस्तारै जनताका लागि बोझ हुनेछन् अनि सडकमा आन्दोलन सुरु हुनेछ । सहज तरिकाले सत्ता हस्तान्तरण हुने अवस्थालाई ओली सरकारले सहज वातावरण देला भन्ने देखिँदैन ।
७. यस्तै बेलामा हो, प्रजातन्त्रवादीहरु र असली संसदवादीहरुले संसदको लाज राख्ने । संसद पनि रहनु पर्छ, सरकार पनि बहुमतले चलाउनु पर्छ र प्रतिनिधि सभाको निर्वाचन पनि बेलैमा हुनुपर्छ ।
संसदको अधिवेशन सुचारु रुपले चल्नका लागि पनि अहिलेको नेकपा भित्रको किचलोको समाधान हुनु जरुरी छ ।
८. राजनीतिक रुपमा जब मिलेर बस्न नै नसकिने भएपछि ओली र प्रचण्ड—नेपाल समूहमध्ये एउटाले नयाँ पार्टी खोल्ने पर्ने भयो । यदि मिल्न पनि नसक्ने अनि मिलेर सरकार पनि बनाउन नसक्ने फेरि एउटै छौँ भनेर दुनियाँलाई हँसाउनु पनि जरुरी छैन ।
सभामुखले यसमा अन्य दलहरुसँग सल्लाह गरेर, निर्वाचन आयोगको अकर्मण्यताका विरुद्धमा नयाँ नजिर आवश्यक पर्नेछ तर त्यसले संसदमा निम्त्याउने मुठभेड सोचेभन्दा भयावह छ ।
९. यही बेला हो नेपाली काँग्रेसले बुद्धिमत्तापूर्ण निर्णय लिने । नेकपा भित्रको तानातानमा प्रवेश नगर्ने तर निष्पक्ष भूमिकाका वारेमा सोचेर सभामुख र अदालतसँग पनि छलफल गर्न सक्नुपर्छ ।
यसमा नेपाली काँग्रेसका वरिष्ठ नेता रामचन्द्र पौडेलको त्यो भनाइसँग सहमति जनाउन सकिन्छ-अहिलेको बेलामा नेपाली काँग्रेसको भूमिका भनेको संसदको गरिमा जोगाउने गरी निर्णय दिन सक्नुपर्छ । संसदमा आउने छलफलले दिने सही बाटो नेकपाका दुवै समूहले स्वीकार गर्नुपर्छ ।
अस्थिर सरकार हुँदा हुने बेफाइदा मुलुकलाई नै हो । भनिन्छ नि-फर्सीमाथि चुलेसी परे पनि फर्सी नै काटिने हो, चुलेसी माथि फर्सी परे पनि फर्सी ने काटिने हो ।
सरकार अस्थिर हुँदा या संसदमा मुठभेड हुँदा बेफाइदा भनेको नेपालको नयाँ संविधानअनुसारको लोकतान्त्रिक व्यवस्थालाई नै हो ।
१०. अन्त्यमा मुस्कान खातुनलाई वधाइ । तेजाब जस्तो पदार्थको तापले डढेका व्यक्तिहरुका पक्षमा आफैँ पीडित भएर पनि अनवरत लागिरहने नेपाली छोरी मुस्कानको प्रयास र संघर्षको पक्षमा अमेरिकी सरकारले उनलाई साहसी महिलाको पुरस्कार दिएको छ र अन्तर्राष्ट्रिय महिला दिवसको उपलक्ष्यमा अमेरिकी प्रथम महिला जिल बाइडेन र विदेश मन्त्री ब्लिंकेनबाट पुरस्कार पाउने भएकी छिन् ।
यो नेपालका लागि गौरवको विषय यसकारण हो कि मुस्कान जस्ता धेरै मुस्कानहरुको भविष्य तेजाबबाट पीडित नहुन् भन्ने र नेपाल तेजाबका विरुद्धमा सचेतना अभियान चलाउन अरु पनि खासगरी महिलाहरु आउने छन् भन्ने अनुमान गर्न सकिन्छ ।
अमेरिकी सरकारलाई धन्यवाद, यस्तो संवेदनशील विषयमा नेपालमा भएका घटनाप्रति चिन्तनशील बनेको रहेछ ।
अमेरिकी राजदूत ¥यान्डी बेरीलाई धेरै धेरै धन्यवाद छ जसले यस्ता कुराहरुको सिफरिस गरेर आगामी दिनमा महिला सशक्तीकरणमा नेपाललाई सहयोग गरिरहने संकेत देखाउनु भएको छ ।
मुस्कान बहिनीलाई वधाइ तथा आगामी दिनमा अरु सामाजिक कामका लागि यस पुरस्कारले अभिप्रेरित गरोस् र बहिनीले आफ्नो मुस्कानसँगै थुप्रै तेजाब पीडितहरुको मुस्कान ल्याउन सफल हुन सकून् ।
धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...
काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...
काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...