बंगलादेश वायुसेनाको विमान दुर्घटनामा मृत्यु हुनेको संख्या २५ विद्यार्थीसहित २७ पुग्यो – Naya Bikalpa
November 21, 2026, Saturday      Epaper

बंगलादेश वायुसेनाको विमान दुर्घटनामा मृत्यु हुनेको संख्या २५ विद्यार्थीसहित २७ पुग्यो

काठमाडौँ । बंगलादेश वायुसेनाको प्रशिक्षण विमान ढाकाको कलेजमा भएको दुर्घटनामा मृत्यु हुनेको संख्या २७ पुगेको छ ।

बंगलादेशको मिडिया डेली स्टारका अनुसार कलेजमा कक्षा चलिरहेको बेला भएको एयर फोर्सको जेट दुर्घटनामा २० जनाको मृत्यु भएको र ७ जनाको उपचारको क्रममा मृत्यु भएको छ । मृत्यु हुनेमा २५ जना विद्यालयका विद्यार्थी रहेको धेरै जस्तो १२ बर्षभन्दा कम उमेरका रहेको बताइएको छ । त्यस्तै ७८ जनाको विभिन्न अस्पतालमा उपचार भइरहेको र कैयौंको अवस्था गम्भीर रहेको बताइएको छ ।

विमान ढाकाको उत्तरा मोडेल टाउनको सेक्टर ११ स्थित गरिब-ए-नेवाज एभिन्यूमा रहेको माइलस्टोन स्कूल र कलेजको मुख्य क्याम्पसमा खसेको थियो ।

बंगलादेश वायुसेनाले दुर्घटनाको अनुसन्धान गर्न र यसको कारण पत्ता लगाउन उच्चस्तरीय समिति गठन गरेको छ । सेनाले पाइलट, फ्लाइट लेफ्टिनेन्ट तौकिर इस्लाम, नियमित प्रशिक्षण मिसनमा रहेको र जेटको यान्त्रिक विफलताको सामना गरेपछि दुर्घटना भएको जनाएको छ । साथै सेनाले वास्तविक कारण अनुसन्धानपछि पत्ता लाग्ने बताएको छ ।

सेनाले पाइलटले विमानलाई घना बस्ती भएका क्षेत्रहरूबाट टाढा लैजान खोजेको तर उनको प्रयासका बाबजुद विमान स्कूल भवनमा ठोक्किएको बताएको छ ।

 

सम्बन्धित समाचार

प्राविधिक समस्याले अमेरिकाको हवाई सेवा अस्तव्यस्त
प्राविधिक समस्याले अमेरिकाको हवाई सेवा अस्तव्यस्त
  • २०८२ श्रावण ६, १४: ३९

काठमाडौं : अमेरिकामा प्राविधिक समस्याका कारण शुक्रबार राष्ट्रव्यापी रूपमा हवाई उडान रोकिएपछि हजारौं यात्रु प्रभावित भएका छन् । चार घण्टाभन्दा बढी...

दिल्लीमा वायु प्रदूषण नियन्त्रणका लागि नयाँ प्रतिबन्ध लागू
दिल्लीमा वायु प्रदूषण नियन्त्रणका लागि नयाँ प्रतिबन्ध लागू
  • २०८२ श्रावण ६, १४: ३९

काठमाडौं : भारतको राजधानी नयाँदिल्लीमा बढ्दो वायु प्रदूषण नियन्त्रण गर्ने उद्देश्यले अधिकारीहरूले आइतबारदेखि थप कडा प्रतिबन्ध लागू गरेका छन् ।...

स्पेनमा दुई रेल ठोक्किँदा ६८ जनाको मृत्यु, ठूलो सङ्ख्यामा यात्रु घाइते
स्पेनमा दुई रेल ठोक्किँदा ६८ जनाको मृत्यु, ठूलो सङ्ख्यामा यात्रु घाइते
  • २०८२ श्रावण ६, १४: ३९

काठमाडौँ । स्पेनको मध्यभागमा बुधबार बिहान दुई रेल ठोक्किँदा कम्तीमा ६८ जनाको मृत्यु भएको छ भने ठूलो सङ्ख्यामा यात्रु घाइते...