नयाँ विकल्प डटकमको ‘निजी अस्पतालको वेथिति’ समाचार प्रभाव

सञ्चालनमा आयो जनमैत्री अस्पताल

नयाँ विकल्प,
काठमाडौं – राजधानीको बालाजुमा रहेको जनमैत्री अस्पताल सोमबारदेखि पुनः सञ्चालनमा आएको छ ।

सरकारले जनमैत्रीलाई तत्कालका लागि कोभिड अस्पतालका रुपमा सञ्चालन गर्ने निर्णय गरेअनुसार सोमबारबाट एक सय शैया क्षमताको कोभिड अस्पताल सञ्चालनमा आएको हो ।

वडाध्यक्ष रिजालले स्वास्थ्यकर्मीहरुलाई सोमबार पुष्पगुच्छाले स्वागत गरेका छन् । काठमाडौं महानगरपालिकाका वडा नम्बर १६ का वडाध्यक्ष मुकुन्द रिजालको पहलमा स्वास्थ्य मन्त्रालयले जनमैत्रीलाई कोभिड अस्पतालको रुपमा सञ्चालन गर्ने निर्णय गरेको थियो ।

अस्पताल संचालकबीचको स्वामित्व विवाद र घाटा भएपछि अस्पताल संचालनमा थिएन ।

कोभिड अस्पतालको जनशक्तिको रुपमा आएका डाक्टर तथा नर्सलाई स्वागत गर्दै वडाध्यक्ष रिजालले कोरोना नियन्त्रणमा खटिने स्वास्थ्यकर्र्मीलाई देशका विभिन्न स्थानमा दुव्र्यवहारका घटना भइरहेको बेला स्वास्थ्यकर्मीकाे महत्व र आवश्यकता बुझाउन वडाले सम्मान गरेको रिजालले बताए ।

विश्वप्यापी महामारीको रुपमा फैलिएको कोरोनाका कारण काठमाडौं उपत्यका प्रभावित भएर संक्रमितले उपचार पाउन नसकेको भन्दै वडाले साउन २९ गते अस्पताल व्यवस्थापनसहित स्वास्थ्य मन्त्रालयलाई अस्पताल खुवाउन आग्रह गर्दै पत्राचार गरेको थियो ।

अस्पताल सञ्चालको लागि आवश्यक सम्पूर्ण खर्च स्वास्थ्य मन्त्रालयले गरेको बताइएको वडाध्यक्ष रिजालले वताए । २०७२ सालको भूकम्पयता जनमैत्री अस्पताल बन्द अवस्थामा रहेको थियो ।

निजी अस्पतालकाे बेथितिकाे सन्दर्भमा जनमैत्री अस्पताल संचालककाे विवादकाे कारणा बन्द भएकाे बारेमा नयाँ विकल्प डट कमले समाचार प्रकाशित गरेकाे थियाे ।