नाेवेलका कर्मचारी अलपत्र पारेका सुनिलले काठमाडाैंमा किने केएमसी अस्पताल – Naya Bikalpa
November 20, 2026, Friday      Epaper

नाेवेलका कर्मचारी अलपत्र पारेका सुनिलले काठमाडाैंमा किने केएमसी अस्पताल


नयाँ विकल्प,


काठमाडौं– नेपालको स्वास्थ्य क्षेत्रमा सुनिल शर्मा परिचित नाम हो । विराटनगरको नोवेल मेडिकल कलेजका सञ्चालक शर्मा सरकारले जारी गरेको निर्देशिका पालना गर्न अटेर मात्र गर्दैनन् । उल्टै सरकारका स्वास्थ्यमन्त्री नै परिवर्तन गरिदिने धम्की दिने गर्छन् ।

शर्मा सञ्चालक रहेको नोवेल मेडिकल कलेजमा कार्यरत सयौं कर्मचारी निकालिएका छन् । अधिकांश कर्मचारीलाई शर्माले महिनौंदेखि तलब दिएका छौनन् ।

सरकारले कोरोना संक्रमणको उपचारमा खटिने स्वास्थ्यकर्मीलाई प्रोत्साहन स्वरुप शतप्रतिशत भत्ता दिने घोषणा गरेको छ । तर नयाँ विकल्पको सम्पर्कमा आएका नोवेल मेडिकल कलेजका एक कर्मचारीका अनुसार नियमित काम गरेका कर्मचारीलाई समेत मासिक ६ हजारभन्दा बढी दिएकाे छैन् ।

नाम उल्लेख नगर्ने सर्तमा ति कर्मचारी भन्छन् ‘मासिक ३५ हजार करार सम्झौतामा काम गरेको थिएँ । अहिले मासिक ६ हजार मात्र दिईएको छ । कोठाभाडा मात्र ५ हजार तिर्नुपर्छ अरु खर्च कसरी जुटाउनु ? कोरोनाको त्रासवीच काम गरिरहेका हाम्रो पीडा नत अस्पतालले देख्छ नत सरोकारवालाले नै बुझ्ने गरेको छ ।’

शर्माले कोरोना संक्रमणले अस्पतालको अर्थतन्त्र खस्केको भन्दै तलब दिन छाडेका थिए ।
उनै शर्माले काठमाडौंको सिनामंगलस्थित नाम चलेको काठमाडौं मेडिकल कलेज (केएमसी ) सोमबार खरिद गरेका छन् । सो अस्पताल उपत्यकाकै नाम चलेको अस्पताल हो ।

केएमसी मेडिकल कलेज स्रोतका अनुसार शर्माले अस्पतालको ६५ प्रतिशत हिस्सा खरिद गरेका छन् । किनवेच कतिमा भयो भन्नेबारे बाहिर ल्याइएको छैन् । तर सो अस्पताल खरिदका लागि शर्माले करोडौं रुपियाँ खर्च गरेको स्रोतका दावी छ ।

नोवेल मेडिकल कलेजमा कार्यरत कर्मचारी गुनासो गर्छन ‘हामीलाई काम गरेको तलव दिन आनाकानी गर्ने शर्माले त्यति ठुलो अस्पताल कसरी खरिद गरे ? यसवारे सरोकारवाला निकाय पनि मौन रहनुले थप शंसय पैदा भएको छ ।’

केएमसी मेडिकल कलेजका अध्यक्ष आर.आर. पाण्डेले आफ्नो नाममा रहेको अधिकांस हिस्सा शर्माका नाममा वेचेको अस्पताल स्रोतले दावी गरेको छ ।

विराटनगरको नोवेल मेडिकल कलेजमा कर्मचारीमाथि चरम शोषण गरेको आरोप खेपेका शर्माले अस्पतालको अधिकांस सेयर खरिद गरेपछि केएमसीमा लामो समयदेखि कार्यरत कर्मचारी शसंकित बनेका छन् ।

केएमसीमा कार्यरत एक कर्मचारीका अनुसार शर्माको प्रवेशसंगै आउन सक्ने सम्भावित समस्याबारे कर्मचारी संगठन एकजुट हुने र सम्भावित अवस्थाको मुकाविला गर्नेबारे फरक फरक तीन कर्मचारी संगठनबीच सहमती बनेको छ ।

सम्बन्धित समाचार

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ भाद्र १६, १५: २१

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ भाद्र १६, १५: २१

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७७ भाद्र १६, १५: २१

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...