चोरबाटोमा बामदेबकाे राजनीति- नेकपाकाे रत्यौली !

काठमाडौ–नेपाल कम्युनिष्ट पाटी ( नेकपा ) उपाध्यक्ष बामदेव गौतमसंग नैतिकता भएको भए यतिवेला खुमलटार र बालुवाटार हैन आफ्नै निर्वाचन क्षेत्र बर्दिया –१ मा पुगेर जनताकाे पिरमर्का बुझिरहेका हुन्थे ।

कोरोना महामारीका वीच निर्वाचन क्षेत्रका आम जनाताको समस्या समाधानमा सक्रिय हुन्थे ।विगतमा निर्वाचनमा आफ्नो हार बारे समिक्षा गरिरहेका हुन्थे ।

जनतासंग विग्रेकाे सम्बन्ध सुधार गर्ने मौकाको रूपमा याे समयलाइ सदुपयोग गर्थे। पार्टीका काम कारवाहीमा सक्रिय रहदै कमीकमजोरी सुधार गरेर पार्टीकाे विग्रेका छवि सुधार्नेतर्फ लागेका हुन्थे ।

नेपालको राजनीतिमा नैतिकता, त्यो पनि बामदेवसंग …हैट !

नेपालमा राजनीति कति बेईमानपूर्ण र छलछामपूर्ण छ ? जनताको अभिमतलाई कसरी अबमुल्यन गर्दै कसरी तिलाञ्जली दिईन्छ ? जनतामाथि पुनः हरूवाले कसरी शासन गर्छ ? त्यो उदाहरण हेर्न अरू कतै जानै पर्दैन बामदेव गौतमलाइ हेरे पुग्छ ।

राज्य सत्ताको बागडाेर सम्हाली रहेकाे नेकपा सरकारसंग यतिवेलासम्म गणितीय रुपमा दुई तिहाई नजिक जनमत त छ । नत.. उसंग नैतिकता छ, नत ..भोलिको चुनावमा जनतासंग लिएर जाने कुनै एजेण्डा बाँकी छ ।

हैन भने दुइवर्ष मात्र बाँकी रहेको संसदीय निर्वाचन पर्खिन बामदेवलाई किन धैर्य भएन ?

अभिमतविरुद्ध नेकपाको रत्यौली

रत्यौली शब्द आफैमा अश्लिलता झल्कने शब्द हो । नेपाली परम्परा अनुसार विवाहका बेला दुलाह पक्षका पुरुषहरु बेहुली लिन जाने चलन छ । यस्ताे वेला बेहुला पक्षका महिला मात्र घरमा हुने र छिमेकका महिलाहरू जम्मा भएर रत्यौली गाइन्छ ।

आमा हजुर आमाले भने अनुसार रत्यौली आजभोली जस्तो उ बेला अश्लिलता थिएन् । रत्यौलीमा भगवानका किस्सा र भजन कृतन हुन्थे । तर विस्तारै भजन किर्तनलाई कम र अश्लिलताले जित्दै गएपछि रत्यौली बदनाम हुदैं गएको हो ।

तर जति वदनाम भएपनि यसलाई सांस्कृतिक रुपमा अहिले पनि रत्याैली मनाउँने चलन छ ।नेकपाले नेपालको राजनीतिलाई विस्तारै त्यही रत्यौली शैलिमा अगाडि बढाईरहेको छ । जनमतको पटक पटक धज्जी उडाईरहेको छ । नेकपाको राजनीतिक रत्यौली देख्ने र सुन्नेका लागी लज्जाशरणम् ! बनेको छ ।

प्रत्यक्ष चुनावमा जनताले तिरस्कार गरेका नेकपा प्रवक्ता नारायणकाजी श्रेष्ठ मात्र हैन स्थानीय चुनावमा हारेका अनुभवविहिनले राष्ट्रिसभा जस्तो सम्मानित स्थानमा पुगेर तिनैले जनतालाई प्रवचन दिन थालेका छन । राजनीतिक रत्यौली भनेकै यही हो ।

नेपालको संविधानअनुसार राष्ट्रिय सभालाई स्थायी सांसदको रुपमा ब्याख्या गरेको छ । राष्ट्रिय सभामा प्रतिनिधि गर्ने व्यक्ति विशेष योगदान र अनुभव भएको हुनुपर्ने मान्यता छ । तर नेकपा सरकारले यो उपल्लो संसदलाई बामदेवजस्ता बदनाम र जनताबाट तिरस्कृत व्यक्तिलाई थन्क्याउने र जनमतलाई लत्याउने काम गरेको छ ।

कोरोना संक्रमणका कारण नागरिकका गतिविधि ठप्प प्राय छन् । रोगलेभन्दा भोकले मानिसको ज्यान जाने अवस्था छ । किसानले मल नपाएर हप्तौं लाईनमा बस्नु परेको छ । जनप्रतिनिधिले खरिद गरेका डोजरलाई काम दिन जथाभावी खनिएका बाटो भत्केर, पहिरोमा परेर सयौ नागरिकले ज्यान गुमाएका छन् ।

बाढि पहिरोमा पुरिएर हराईरहेका जनताको खोजि गर्न यो सरकारलाई पटकै ध्यान छैन । पीडितलाई राहातभन्दा जन प्रतिनिधि र सरकारका मन्त्री हेलिकोप्टर उडानमा राज्यको सम्पत्ति लुटानमा बढी ध्यान दिइरहेका छन् ।

नेपालका तराई क्षेत्रमा बालबालिकाले राम्रोसंग आहारा पाएका छैनन् । स्वास्थ्य शिक्षाको कुरा त परै जाओस्, सर्पको टोकाइबाट बर्षेनी सयौं नागरिकले अकालमा ज्यान गुमाईरहका छन् ।
सर्पको टोकाइबाट बच्ने नेपालमै भरपर्दो स्वास्थ्य उपचार छैन् । स्वास्थ्य सस्थाको त के कुरा !

सर्प पाल्न त्यो पनि ७५ करोड अनुदान अरुलाई हैन आफ्नै नेताको नामको सस्थालाई ! ब्यापारमा आफ्नै सेटिङ, कमिसन विना कामै हुँदैन । साच्चै बामदेव शैलि सुहाउने यो भन्दा अर्को राजनीतिक व्यवस्था कुन होला ? (लेखक नेपाली कांग्रेस प्रचार विभागका सदस्य हुन ।)