राप्रपाको महाधिवेशन तिथि एक साताभित्र घोषणा गर्न असन्तुष्ट पक्षले गरे माग – Naya Bikalpa
November 22, 2026, Sunday      Epaper

राप्रपाको महाधिवेशन तिथि एक साताभित्र घोषणा गर्न असन्तुष्ट पक्षले गरे माग

काठमाडौँ।राष्ट्रिय प्रजातन्त्र पार्टी (राप्रपा)भित्रको आन्तरिक कलह र असन्तुष्टि फेरि सतहमा आएको छ। पार्टीको संस्थापनइतर समूहले अध्यक्ष राजेन्द्र लिङ्देनको कार्यशैली र हालैको चुनावी परिणामलाई लिएर गम्भीर प्रश्न उठाउँदै नयाँ महाधिवेशनको माग गरेको छ।  पार्टीलाई पुनर्जीवन दिन र नयाँ नेतृत्व चयन गर्न भन्दै असन्तुष्ट समूहले तीन बुँदे माग अघि सारेको छ |

निष्पक्ष महाधिवेशन आयोजक समितिस् सन्तुलित र विश्वसनीय वातावरणमा केन्द्रीय महाधिवेशन सम्पन्न गर्न एक निष्पक्ष व्यक्तिको संयोजकत्वमा आयोजक समिति गठन गरिनुपर्ने।महाधिवेशनको मिति घोषणास् आगामी एक हप्ताभित्रै केन्द्रीय महाधिवेशनको मिति घोषणा गरिनुपर्ने।

छानबिन समिति गठनस् एकता महाधिवेशनपछि पार्टीको विधान र अनुशासन विपरीत भएका काम कारवाहीबारे छानबिन गरी आगामी महाधिवेशनमा प्रतिवेदन पेस गर्न एक छानबिन समिति गठन गरिनुपर्ने।

पार्टीको केन्द्रीय कार्यसमितिको कार्यकाल सकिएर हाल अतिरिक्त अवधिमा रहेको उल्लेख गर्दै विज्ञप्तिमा भनिएको छ, ‘नेतृत्वको ढिलासुस्ती र अस्पष्ट दिशाका कारण देशभरका कार्यकर्तामा शून्यता र निराशा छाएको छ। धेरैले पार्टी परित्याग गर्ने क्रम जारी रहेकाले तत्काल नयाँ जनादेशमा जानुको विकल्प छैन।’

महामन्त्री धवलशमशेर राणा लगायतका नेताहरूको हस्ताक्षर रहेको उक्त विज्ञप्तिले राप्रपाभित्र आगामी दिनमा आन्तरिक संघर्ष थप चर्किने संकेत गरेको छ।

सम्बन्धित समाचार

सरोजकुमार यादव मधेस प्रदेशको मुख्यमन्त्री नियुक्त
सरोजकुमार यादव मधेस प्रदेशको मुख्यमन्त्री नियुक्त
  • २०८२ चैत्र २९, १९: ००

जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०८२ चैत्र २९, १९: ००

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०८२ चैत्र २९, १९: ००

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...