राप्रपाको महाधिवेशन तिथि एक साताभित्र घोषणा गर्न असन्तुष्ट पक्षले गरे माग

नयाँ विकल्प
प्रकाशित मिती: २०८२ चैत्र २९, १९: ००

काठमाडौँ।राष्ट्रिय प्रजातन्त्र पार्टी (राप्रपा)भित्रको आन्तरिक कलह र असन्तुष्टि फेरि सतहमा आएको छ। पार्टीको संस्थापनइतर समूहले अध्यक्ष राजेन्द्र लिङ्देनको कार्यशैली र हालैको चुनावी परिणामलाई लिएर गम्भीर प्रश्न उठाउँदै नयाँ महाधिवेशनको माग गरेको छ। पार्टीलाई पुनर्जीवन दिन र नयाँ नेतृत्व चयन गर्न भन्दै असन्तुष्ट समूहले तीन बुँदे माग अघि सारेको छ |

निष्पक्ष महाधिवेशन आयोजक समितिस् सन्तुलित र विश्वसनीय वातावरणमा केन्द्रीय महाधिवेशन सम्पन्न गर्न एक निष्पक्ष व्यक्तिको संयोजकत्वमा आयोजक समिति गठन गरिनुपर्ने।महाधिवेशनको मिति घोषणास् आगामी एक हप्ताभित्रै केन्द्रीय महाधिवेशनको मिति घोषणा गरिनुपर्ने।

छानबिन समिति गठनस् एकता महाधिवेशनपछि पार्टीको विधान र अनुशासन विपरीत भएका काम कारवाहीबारे छानबिन गरी आगामी महाधिवेशनमा प्रतिवेदन पेस गर्न एक छानबिन समिति गठन गरिनुपर्ने।

पार्टीको केन्द्रीय कार्यसमितिको कार्यकाल सकिएर हाल अतिरिक्त अवधिमा रहेको उल्लेख गर्दै विज्ञप्तिमा भनिएको छ, ‘नेतृत्वको ढिलासुस्ती र अस्पष्ट दिशाका कारण देशभरका कार्यकर्तामा शून्यता र निराशा छाएको छ। धेरैले पार्टी परित्याग गर्ने क्रम जारी रहेकाले तत्काल नयाँ जनादेशमा जानुको विकल्प छैन।’

महामन्त्री धवलशमशेर राणा लगायतका नेताहरूको हस्ताक्षर रहेको उक्त विज्ञप्तिले राप्रपाभित्र आगामी दिनमा आन्तरिक संघर्ष थप चर्किने संकेत गरेको छ।

सम्बन्धित समाचार

शुक्रबारसम्म ११ खर्ब १२ अर्ब राजश्व संकलन, पूँजीगत खर्च करिब ३५ प्रतिशत

२०८२ चैत्र २९, १९: ००

काठमाडौँ : चालु आर्थिक वर्ष पूरा हुन १९ दिन बाँकी हुँदा सरकारले राजश्व संकलनमा लक्ष्यको ७५ दशमलव १७ प्रगति हासिल...

अरनिको राजमार्ग असार २२ गतेदेखि १५ दिन राति बन्द गरिने

२०८२ चैत्र २९, १९: ००

काभ्रेपलाञ्चोक : स्तरोन्नति भइरहेको अरनिको राजमार्गअन्तर्गत धुलिखेल–खावा सडकखण्डलाई तीव्रता दिन असार तेस्रो सातादेखि १५ दिन रातको समयमा सवारीसाधन आवागमनमा रोक...