- अनामनगर काठमाडौँ
- infobikalpa21@gmail.com
काठमाडौं । काठमाडौं महानगरपालिका ले नयाँ शैक्षिक सत्र २०८३ अन्तर्गत महानगरभित्रका सबै विद्यालयको पठनपाठन तथा शैक्षिक गतिविधि आगामी वैशाख १५ गतेदेखि नियमित रूपमा सञ्चालन गर्ने निर्णय गरेको छ।
महानगरको शिक्षा विभागले वैशाख १० गते जारी गरेको सूचनाअनुसार नेपाल सरकार को निर्णय तथा काठमाडौँ उपत्यका मेयर्स फोरमको अनुरोधलाई ध्यानमा राख्दै उक्त निर्णय गरिएको हो।
सूचनामा नयाँ शैक्षिक सत्रको सुरुआत, शिक्षक, कर्मचारी तथा विद्यार्थीमा परेको प्रभाव, विद्यालय व्यवस्थापन समितिको तयारी र समग्र शैक्षिक अवस्थाको विश्लेषणपछि सरोकारवालाबीच देखिएको द्विविधा हटाउन यो कदम चालिएको उल्लेख गरिएको छ।
शिक्षा तथा स्वास्थ्य समितिको वैशाख १० गतेको निर्णयअनुसार शैक्षिक सत्र २०८३ का सम्पूर्ण पठनपाठन तथा अन्य शैक्षिक क्रियाकलाप वैशाख १५ गतेदेखि सञ्चालन गर्न सबै विद्यालयलाई निर्देशन दिइएको छ।
शिक्षा विभागले महानगरभित्रका विद्यालय, विद्यालय निरीक्षक, स्रोत शिक्षक तथा सम्बन्धित सबै सरोकारवालालाई उक्त निर्णय कार्यान्वयन गर्न आग्रह गरेको छ। साथै सूचना प्रविधि विभागलाई सो सूचना महानगरपालिकाको वेबसाइटमा अपलोड गर्न निर्देशन दिइएको छ।
विभागीय प्रमुख नमराज ढकालद्वारा जारी सूचनामा विद्यालय सञ्चालनलाई प्रभावकारी बनाउन आवश्यक समन्वय, सहजीकरण तथा सूचना प्रवाहमा जोड दिइएको छ।
महानगरपालिकाले अभिभावक, विद्यार्थी तथा शिक्षकहरूलाई तोकिएको मितिदेखि विद्यालय सञ्चालनमा सक्रिय सहभागिता जनाउन समेत आग्रह गरेको छ।
काठमाडौँ : स्वास्थ्य तथा जनसङ्ख्या मन्त्रालयले अस्पताल तथा स्वास्थ्य संस्थाभित्र हातपात, तोडफोड, तालाबन्दी र अन्य कानूनविपरीत गतिविधि नगर्न अनुरोध गरेको...
काठमाडौँ । त्रिभुवन विश्वविद्यालयका पदाधिकारीले राजीनामा दिने तयारी गरेका छन् । सरकारले राजनीतिक नियुक्ति लिएका पदाधिकारीहरूलाई पदमुक्त गर्ने प्रावधानसहित अध्यादेश...
काठमाडौंः स्थानीय बजारमा आज सुनचाँदीको मूल्यमा केही गिरावट भएको छ । सुन प्रतितोला रु एक हजार ८०० र चाँदी रु...
