- अनामनगर काठमाडौँ
- infobikalpa21@gmail.com
काठमाडौँ । संयुक्त राज्य अमेरिका ले इरान सँग ३८ दिनसम्म चलेको युद्धमा व्यापक रूपमा महँगा र अत्याधुनिक क्षेप्यास्त्र प्रयोग गरेपछि उसका हतियार भण्डार तीव्र रूपमा घटेको रिपोर्ट सार्वजनिक भएको छ।
रिपोर्टअनुसार उक्त युद्धमा करिब ११०० लामो दूरीका स्टेल्थ क्षेप्यास्त्र प्रयोग गरिएको थियो, जुन विशेषगरी चीन विरुद्धका सम्भावित रणनीतिका लागि तयार गरिएको मानिन्छ। साथै १००० भन्दा बढी टमाहक, १२०० भन्दा बढी प्याट्रियट अवरोधक र १००० भन्दा बढी अन्य आक्रमणकारी क्षेप्यास्त्र प्रयोग गरिएको जनाइएको छ।
यो युद्धमा कुल २८ अर्बदेखि ३५ अर्ब डलरसम्म खर्च भएको अनुमान छ, अर्थात् दैनिक करिब १ अर्ब डलर खर्च भएको देखिन्छ। अमेरिकी रक्षा मन्त्रालय का अनुसार १३ हजारभन्दा बढी लक्ष्यमा आक्रमण गरिएको थियो, यद्यपि एउटै लक्ष्यमा पटक–पटक आक्रमण भएकाले वास्तविक प्रयोग संख्या अझ बढी हुनसक्ने बताइएको छ।
विशेषगरी लामो दूरीका क्षेप्यास्त्र र टमाहकको भण्डार तीव्र रूपमा घटेको छ। एक अध्ययनले अहिले अमेरिकासँग करिब ३ हजार टमाहक मात्र बाँकी रहेको देखाएको छ। प्याट्रियट अवरोधक क्षेप्यास्त्रसमेत तीव्र रूपमा खर्चिएको छ, जसको प्रति इकाइ मूल्य करिब ४० लाख डलर पर्छ।
यता ह्वाइट हाउस ले भने हतियार अभावको दाबी अस्वीकार गरेको छ। प्रेस सचिव क्यारोलिन लेभिट ले अमेरिकासँग विश्वकै सबैभन्दा शक्तिशाली सेना र पर्याप्त हतियार मौज्दात रहेको दाबी गरेकी छन्।
विश्लेषकहरूका अनुसार अब अमेरिकासामु सबैभन्दा ठूलो चुनौती हतियार भण्डार पुनः भरिने हो, जसका लागि पुरानै स्तरमा पुग्न वर्षौं लाग्न सक्ने अनुमान गरिएको छ।
काठमाडौँ । जापान सरकारले बालबालिका र युवामा बढ्दो सामाजिक सञ्जालको लत तथा साइबर दुर्व्यवहार नियन्त्रण गर्न सामाजिक सञ्जाल प्रयोगमा कडाइ...
लायन्स क्लब अन्तर्राष्ट्रिय डिष्ट्रिक्ट ३२५ एफ अन्तर्गत काठमाडौं चाबहिल सिटी क्लवका संस्थापक अध्यक्ष एवंम २०२६/०२७ का DG Elect लायन अजय...
काठमाडौँ : शनिबार राति ह्वाइट हाउस संवाददाता डिनर कार्यक्रम नजिक गोली चलाएको आशंकामा नियन्त्रणमा लिइएका व्यक्तिको पहिचान सार्वजनिक अभिलेखमार्फत खुलेको...
