- अनामनगर काठमाडौँ
- infobikalpa21@gmail.com
काठमाडौ — सरकारले नेकपा उपाध्यक्ष वामदेव गौतमलाई राष्ट्रिय सभामा मनोनीत गर्न राष्ट्रपतिसमक्ष सिफारिस गरेको छ । प्रधानमन्त्री कार्यालयले गौतमलाई मनोनीत गर्न बुधबार सिफारिस पत्र राष्ट्रपति कार्यालय पठाएको हो ।
गौतमलाई राष्ट्रिय सभा सदस्यमा मनोनीत गर्ने सोमबार बसेको मन्त्रिपरिषद्को बैठकले निर्णय गरेको थियो । सोमबार नै मन्त्रिपरिषद्को बैठकले वामदेव गौतमलाई राष्ट्रिय सभामा लैजाने निर्णय गरे पनि मंगलबारको पत्रकार सम्मेलनमा सरकारका प्रवक्तासमेत रहेका परराष्ट्रमन्त्री प्रदीप ज्ञवालीले यसबारेमा केही जानकारी दिएका थिएनन् ।
मन्त्रिपरिषद् बैठकको निर्णय सार्वजनिक गर्ने क्रममा प्रवक्ता ज्ञवालीले यो निर्णय जानकारी नगराएपछि गौतमको राष्ट्रिय सभामा सिफारिसबारे आशंका बढेको थियो ।राष्ट्रियसभामा राष्ट्रपतिले मनोनित गर्ने तीन सदस्यमध्ये युवराज खतिवडाको पदावधि समाप्त भएपछि एक सिट ६ महिनादेखि खाली छ ।
त्यही सिटमा वामदेव गौतमलाई मनोनीत गर्न सरकारले राष्ट्रपतिसमक्ष सिफारिस गरेको हो यद्यपी बिहीबार यो समाचार तयार पारुन्जेल सम्म गौतमलाई राष्ट्रपतिले औपचारिक मनोनयनको घोषणा गरेकी छैनन् । उनलाई प्रधानमन्त्रीको सिफारिस कार्यन्वयन गर्ने बाध्यकारी ब्यबस्था छ। तर संविधानसंग बाझिएको हकमा उनले कानूनविद्संग राय लिन सक्नेछिन् ।
शितलनिवास स्रोतका अनुसार गौतमलाई मनोनित गर्ने बिषयमा कानूनविद्संग राया लिने मनस्थिति बनाएको स्रोतले बतायो। प्रधानमन्त्रीको सिफारिसमा अध्यादेश जस्तो महत्वपूर्ण बिषयमा आधा घण्टामा सदर हुनु र गौतमको प्रस्ताव अड्किनुलाई अर्थपूर्ण रुपमा हेरिएको छ। प्रतिनिधिसभाको निर्वाचनमा पराजय नेतालाई राष्ट्रियसभा सदस्यमा मनोनयन गर्ने कि नगर्ने भन्ने बिषयमा राष्ट्रपति अलमलमा परेको स्रोतले बतायो।
काठमाडौं : राष्ट्रपति रामचन्द्र पौडेलले सार्वजनिक खरिदसम्बन्धी अध्यादेश जारी गरेका छन् । सरकारको सिफारिसमा राष्ट्रपति पौडेलले सार्वजनिक खरिद (दोस्रो संशोधन)...
काठमाडौँ : रोल्पाको थवाङस्थित जलजलामा जिप दुर्घटना हुँदा १७ जनाको मृत्यु भएको छ । थवाङ गाउँपालिका-१ जलजलामा रुकुमपूर्वबाट जलजलातर्फ जाँदै...
काठमाडौं : राष्ट्रपति रामचन्द्र पौडेलले सहकारीसम्बन्धी अध्यादेश जारी गरेका छन् । सरकारको सिफारिसमा राष्ट्रपति पौडेलले आज सहकारीसम्बन्धी अध्यादेश जारी गरेका...
