
काठमाडौं । नेपाल लेयर्स कुखुरापालक संघले आज (शनिबार)देखि लागू हुने गरी अण्डाको नयाँ मूल्यसूची सार्वजनिक गरेको छ। संघले अण्डाको विभिन्न वर्गको मूल्य वृद्धि गर्दै नयाँ दर निर्धारण गरेको हो।
नयाँ मूल्यसूचीअनुसार एक्सएल अण्डाको मूल्य प्रतिक्रेट ५६० रुपैयाँ कायम गरिएको छ। यसअघि यसको मूल्य ४६५ रुपैयाँ रहेको थियो।
त्यस्तै, ठूलो अण्डाको मूल्य प्रतिक्रेट ५४५ रुपैयाँ पुगेको छ, जुन यसअघि ४९० रुपैयाँ थियो।
मध्यम अण्डाको मूल्य प्रतिक्रेट ५१५ रुपैयाँ निर्धारण गरिएको छ भने सानो अण्डाको मूल्य प्रतिपेटी ३ हजार रुपैयाँ कायम गरिएको संघले जनाएको छ। यसअघि सानो अण्डाको प्रतिपेटी मूल्य २ हजार ३०० रुपैयाँ रहेको थियो।
नयाँ मूल्य लागू भएसँगै खुद्रा बजारमा अण्डाको मूल्य प्रतिगोटा करिब २५ रुपैयाँसम्म पुगेको छ। संघका अनुसार उत्पादन लागत र बजार अवस्थालाई ध्यानमा राखेर मूल्य समायोजन गरिएको हो।
काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...
काठमाडौँ । साताको कारोबारको अन्तिम दिन बिहीबार नेपाल स्टक एक्सचेञ्ज (नेप्से) परिसूचक सामान्य अंकले बढेको छ । आज नेप्से ३.६२...
काठमाडौं । छठको निहुँ बनाएर रास्वपा सभापति रवि लामिछाने र नेपाली कांग्रेसका सभापति गगन थापा मधेश प्रदेश ओर्लिएका छन् ।...