- अनामनगर काठमाडौँ
- infobikalpa21@gmail.com
काठमाडौं : पूर्वप्रधानमन्त्री झलनाथ खनालले विगतका कमजोरी नदोहोरिनेगरी वामपन्थी एकता गर्नुको विकल्प नभएको बताएका छन् ।
जननेता मदन भण्डारीको हिरक जन्मोत्सवको अवसरमा मदन भण्डारी फाउन्डेसनले आयोजना गरेको विचार गोष्ठिमा बोल्दै उनले एउटा देशमा एउटा मात्र कम्युनिष्ट पार्टी हुने उल्लेख गर्दै भने, ‘देशको अस्तित्व रक्षा, गणतन्त्र र संविधानमाथिको खतरा हटाउन वामपन्थीहरुले हात मिलाउनुको विकल्प छैन । हात मात्र होइन, मन र विचार दृष्टिकोण पनि मिलाऔं । हामीबीच भिन्नता छन् । बहस गरौं र मैत्रीपूर्ण ढंगले मिलाऔ । तत्कालै कार्यगत एकता गरेर अघि बढौं ।’
आठ वर्षअघि २०७४ सालमा झण्डै दुईतिहाइ बहुमत जित्दासमेत जोगाउन नसकेको खनालले स्मरण गरे । ‘हाम्रो कहिले सिङ उम्रियो, कहिले जुरो पलायो । अहिले समयले हिर्काउन थालेको छ, परिस्थितिले हामीलाई मिल्नुपर्ने ठाउँमा ल्याएको छ,’ उनले भने ।
गत निर्वाचनमै एमाले र नेपाली कम्युनिष्ट पार्टी मिलेको भए सय सिट जित्ने दाबी गर्दै पूर्वप्रधानमन्त्री खनालले अब ढिलो नगरी एकताबद्ध कम्युनिष्ट पार्टी बनाउनुपर्ने बताए । ‘थाप्लोमा हिउँ राखेर ठन्डा दिमागले सोचेर एकठाउँ उभिनै पर्छ,’ उनले भने ।
काठमाडौं : पूर्वप्रधानमन्त्री केपी शर्मा ओलीले लोकतान्त्रिक र वामपन्थी शक्ति मिलेर प्रतिगमनलाई पराजित गर्नुपर्ने बताएका छन् । मदन भण्डारी फाउन्डेसनले...
काठमाडौं : पूर्वप्रधानमन्त्री तथा नेपाली कम्युनिष्ट पार्टी (नेकपा)का संयोजक पुष्पकमल दाहाल ‘प्रचण्ड’ले नेपालको कम्युनिस्ट आन्दोलनलाई समाप्त पार्ने षड्यन्त्र भइरहेको भन्दै वामपन्थी...
काठमाडौं : नेपाली कम्युनिष्ट पार्टी (नेकपा)का सहसंयोजक एवं पूर्वप्रधानमन्त्री माधवकुमार नेपालले मुलुकको राष्ट्रिय हितको विषयमा वर्तमान सरकारको रवैया शंकास्पद रहेको...
