- अनामनगर काठमाडौँ
- infobikalpa21@gmail.com
काठमाडौं : बझाङको छविसपाथिभेरा गाउँपालिकास्थित बाँठपाली देवता मन्दिर निर्माणमा भ्रष्टाचार गरेको आरोपमा अख्तियार दुरुपयोग अनुसन्धान आयोगले तत्कालीन निमित्त प्रमुख प्रशासकीय अधिकृत र गाउँपालिका उपाध्यक्षसहित ९ जनाविरुद्ध विशेष अदालतमा मुद्दा दायर गरेको छ ।
आर्थिक वर्ष २०७५/०७६ मा संस्कृति, पर्यटन तथा नागरिक उड्डयन मन्त्रालयबाट विनियोजित बजेटमा २२ लाख १ हजार ६ सय ६५ रुपैयाँ हिनामिना गरेको दाबीसहित आयोगले मुद्दा दायर गरेको हो ।
आयोगका अनुसार नयाँ पर्यटन गन्तव्य पहिचान गरी विकास गर्ने उद्देश्यले विनियोजन भएको ४५ लाख रुपैयाँ बजेट कार्यान्वयनका क्रममा व्यापक अनियमितता भएको पाइएको छ । तत्कालीन निमित्त प्रमुख प्रशासकीय अधिकृत मकर बहादुर मण्डेल र उपाध्यक्ष राधिका कुमारी रताला लगायतको मिलेमतोमा वास्तविक कार्यभन्दा अस्वाभाविक बढी काम भएको देखाउने, अस्वाभाविक दररेट राख्ने र जनसहभागिताको रकम कम कट्टा गरी झुट्ठा बिल भरपाईका आधारमा भुक्तानी लिने-दिने कार्य भएको अनुसन्धानबाट खुलेको छ ।
अख्तियारले दुर्गाथली गाउँपालिकाका तत्कालीन निमित्त प्रमुख प्रशासकीय अधिकृत मकर बहादुर मण्डेल, लेखापाल प्रेम प्रसाद पौडेल, इन्जिनियर हिक्मत रावल, सब-इन्जिनियर बम बहादुर बोहरा, छविसपाथिभेरा गाउँपालिकाका तत्कालीन उपाध्यक्ष राधिका कुमारी रताला, वडा नं. ६ का वडा अध्यक्ष मोहन लाल वि.क., बाँठपाली देवता मन्दिर निर्माण समितिका अध्यक्ष कृष्ण बहादुर बुढा, सचिव जय बहादुर बुढा र कोषाध्यक्ष मधुली देवी बुढाविरुद्ध मुद्दा दायर गरेको छ ।
आयोगले भ्रष्टाचार निवारण ऐन, २०५९ बमोजिम हिनामिना भएको २२ लाख १ हजार ६ सय ६५ रुपैयाँ विगो कायम गरी सोही बराबरको जरिवाना र कैद सजायको मागदाबी गरेको छ । यस्तै, इन्जिनियर र सब-इन्जिनियरले बदनियतपूर्वक गलत प्राविधिक प्रतिवेदन तयार पारेको भन्दै उनीहरूलाई पनि ऐनको दफा १९ बमोजिम सजाय गर्न माग गरिएको आयोगका प्रवक्ता सुरेश न्यौपानेले जानकारी दिए ।
काठमाडौ । नेकपा एमालेका उपाध्यक्ष विष्णु पौडेल लाई म्याद थपका लागि विशेष अदालतमा उपस्थित गराइएको छ। सम्पत्ति शुद्धीकरण अनुसन्धान विभागले...
काठमाडौं : लोकतान्त्रिक पार्टी नेपाली कांग्रेसले विभिन्न अभियानलाई तीव्रता दिँदै आएको छ । लोकतन्त्रलाई बलियो बनाउन प्रजातन्त्रवादीहरूको भेटघाट, छलफल र...
काठमाडौं : नेकपा एमालेका वरिष्ठ उपाध्यक्ष विष्णुप्रसाद पौडेललाई विशेष अदालतले थप तीन दिन हिरासतमा राख्न अनुमति दिएको छ । विशेष...
