हुलाक सेवा आधुनिकीकरण नगरी प्रभावकारी सेवा सम्भव छैन : सञ्चारमन्त्री तिमिल्सिना – Naya Bikalpa
November 22, 2026, Sunday      Epaper

हुलाक सेवा आधुनिकीकरण नगरी प्रभावकारी सेवा सम्भव छैन : सञ्चारमन्त्री तिमिल्सिना

काठमाडौँ । सूचना तथा सञ्चारमन्त्री डा. विक्रम तिमिल्सिनाले हुलाक सेवालाई आधुनिकीकरण नगरी प्रभावकारी सेवा प्रवाह सम्भव नहुने बताएका छन्।

हुलाक सेवाको आधुनिकीकरण सम्बन्धी उच्चस्तरीय संवाद कार्यक्रममा बोल्दै मन्त्री तिमिल्सिनाले सरकारले हुलाकमार्फत सबै प्रकारका कागजात तथा पार्सल समयमै गन्तव्यमा पुर्‍याउने प्रतिबद्धता व्यक्त गरे।

उनले हुलाक सेवा विभाग तथा निजी सेवा प्रदायकसँग सहकार्य गर्दै सेवामा देखिएका समस्याको समाधानका लागि सरकार सक्रिय रूपमा अघि बढिरहेको जानकारी दिए।

मन्त्री तिमिल्सिनाले नागरिकको बदलिँदो सोच, समयको महत्व र अपेक्षाअनुसार डेलिभरी प्रणालीलाई पुनः डिजाइन गरेर सेवा सञ्चालन गर्नुपर्ने आवश्यकता औँल्याए। उनका अनुसार हुलाक सेवालाई आधुनिक, सबल र प्रभावकारी बनाउनुका साथै सेवा प्रवाहमा लाग्ने समय घटाउन सके मात्र यसलाई प्रतिस्पर्धी र लोकप्रिय सेवा प्रदायकका रूपमा स्थापित गर्न सकिन्छ।

उनले परम्परागत ढाँचामा सीमित रहेर हुलाक सेवा दीर्घकालीन रूपमा टिक्न नसक्ने उल्लेख गर्दै समयानुकूल रूपान्तरण अपरिहार्य भएको बताए। साथै, सेवा सुधारका लागि निजी क्षेत्रसँग सहकार्य गर्दै व्यावहारिक समस्या समाधानमा सरकार प्रतिबद्ध रहेको उनको भनाइ थियो।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ असार १६, १९: २०

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०८३ असार १६, १९: २०

काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ असार १६, १९: २०

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...