
नयाँ विकल्प,
काठमाडाैं – राष्ट्रवादकाे दुवाइ दिएर कहिल्यै नथाक्ने प्रधानमन्त्री केपी शर्मा ओलीले हराएकाे नेपालकाे सिमानाबारे सूचना चुहाएकाे आरोपमा सरकारी कर्मचारीलाइ २४ घन्टे स्पष्टीकरण साेधेका छन् ।
नेपालकाे उत्तरी छिमेकी मुलुक चीनले नेपालकाे भूमी मिचेकाे र सिमा समस्याबारे सूचना दिएको भन्दै हुम्लाका सहायक प्रमुख जिल्ला अधिकारीलाई सरकारले स्पष्टीकरण साेधेकाे हाे ।
नेपाल – चीन सिमानामा चिनियाँ पक्षले नेपाली भूमी मिचेर भौतिक संरचनाहरु बनाएको समाचारलाइ लिएर सहायक प्रमुख जिल्ला अधिकारी (सीडीओ) दत्तराज हमाललाई गृह मन्त्रालयले स्पष्टीकरण माग गरेको हाे ।

हमाल जिल्ला प्रशासन कार्यालय हुम्लाका सहयक प्रमुख तथा सूचना अधिकारीसमेत हुन । असोज ३ गते नेपाल -चीन सिमाना अध्ययन तथा निरिक्षणका लागि हुम्लाका जनप्रतिनिधिहरु र स्थानीय लाप्चामा पुगेर निरिक्षण समेत गरेका थिए । टाेलीले अनुगमन गर्दा ११ नम्बर पिलर समेत गायव थियाे ।
११ नम्बर सीमास्तम्भ हराएकाले नेपाल र चीनसँगको सिमाना पटक–पटक विवाद हुने गरेको थियो । सुरक्षाकर्मीको टोलीले त्यसको खोजीलाई अन्तिम लक्ष्य मान्दै नेपाली सेना, नेपाल प्रहरी, सशस्त्र प्रहरी र राष्ट्रिय अनुसन्धानका सुरक्षाकर्मीलाई सिमानामा दुई टोली बनाएर खटाएको थियो ।
हराएकाे भनिएकाे सिमा स्तम्भ भेटिएकाे सरकारी अधिकारीले दाबी गरेका छन् ।

साेहि टाेलिले नेपाली भूमीमा चीनले सिमाना मिचेर एकतर्फि भवन बनाएकाे हुनसक्ने भन्दै गृहमन्त्रालयमा प्रतिवेदन समेत बुझाएको थियो । साे विषयलाइ संचार माध्यमले प्राथमिकताका साथ संप्रेषण गरेपछि सरकारको ध्यानाकर्षण भएको थियो ।
सहायक प्रमुख जिल्ला अधिकारी (सीडीओ) दत्तराज हमाललाई २४ घण्टाभित्र जवाफ पठाउन गृहले निर्देशन दिएको छ ।
जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...