ओमानविरुद्ध नेपालको शानदार जित

नयाँ विकल्प संवाददाता
प्रकाशित मिती: २०८३ आश्विन २७, १८: २४

काठमाडौं : आईसीसी क्रिकेट विश्वकप लीग २ अन्तर्गत ‌‌ओमानमा जारी त्रिपक्षीय शृंखलाको आफ्नो दोस्रो खेलमा नेपालले ओमानलाई हराएको छ ।

जारी शृंखलामा नेपाल क्यानडा र ओमानसँग २-२ खेल खेल्दै छ । आफ्नो पहिलो खेलमा नेपालले क्यानडालाई हराएको थियो ।

मंगलबारको खेलमा टस जिती ब्याटिङ रोजेको नेपालले निर्धारित ५० ओभरमा ८ विकेटको क्षतिमा २६३ रन बनाएको थियो ।

नेपालका लागि पूर्वकप्तान रोहित पौडेलले सर्वाधिक ६१ रन बनाएका थिए। इनिङ्सको अन्त्यतिर करण केसीको योगदान पनि उल्लेख्य रह्यो ।

दोस्रो इनिङ्समा नेपालले घरेलु टोलीलाई १५० रनमै अलआउट गर्‍यो। नेपालका लागि नन्दन यादव र सन्दीप लामिछानेले ३-३ तथा दीपेन्द्रसिंह ऐरीले २ विकेट लिए ।

सम्बन्धित समाचार

कांग्रेस महिला खुला केन्द्रीय सदस्यमा वासना थापासहित १५ जना निर्वाचित

२०८३ आश्विन २७, १८: २४

काठमाडौं : नेपाली कांग्रेसको १५औं महाधिवेशनअन्तर्गत महिला खुलातर्फ १५ जना केन्द्रीय सदस्य निर्वाचित भएका छन्। निर्वाचन समितिले दिएको जानकारीअनुसार वासना...