२५औँ अनशनमा रहेका डा. गोविन्द केसीको स्वास्थ्य अवस्था स्थिर – Naya Bikalpa
November 22, 2026, Sunday      Epaper

२५औँ अनशनमा रहेका डा. गोविन्द केसीको स्वास्थ्य अवस्था स्थिर

 

काठमाडौँ । चिकित्सा शिक्षा सुधारको माग राख्दै २५औँ पटक आमरण अनशनमा रहेका प्रा. डा. गोविन्द केसीको स्वास्थ्य अवस्था हाल स्थिर रहेको छ ।

स्वास्थ्यमा समस्या देखिएपछि उनलाई थप उपचारका लागि सोमबार हेलिकोप्टरमार्फत इलामबाट काठमाडौं ल्याइएको थियो । हाल उनी त्रिवि शिक्षण अस्पतालमा उपचाररत छन् ।

अस्पतालका अनुसार डा. केसीको रक्तचाप कम हुनुका साथै शरीरमा कमजोरी देखिएको छ । त्रिवि शिक्षण अस्पतालका सहप्रवक्ता कालीप्रसाद रोस्याराले उनको स्वास्थ्य अवस्था हाल स्थिर रहेको जानकारी दिए ।

“डा. केसीको स्वास्थ्य अहिले स्थिर छ । प्रेसर लो र कमजोरी पनि देखिएको छ,” उनले भने ।

अनशनका क्रममा उनको रगतमा चिनीको मात्रा निकै कम हुनुका साथै पिसाबमा एसिटोनसमेत देखिएको थियो । रक्तचाप पनि निरन्तर घट्दै गएपछि चिकित्सकहरूले उनलाई सुविधासम्पन्न अस्पतालमा स्थानान्तरण गर्न सुझाव दिएका थिए ।

चिकित्सकको सिफारिसअनुसार थप उपचार तथा स्वास्थ्य अवस्थाको निरन्तर निगरानीका लागि उनलाई काठमाडौं ल्याइएको हो । हाल त्रिवि शिक्षण अस्पतालमा चिकित्सकको प्रत्यक्ष निगरानीमा राखेर उनको उपचार भइरहेको छ ।

सम्बन्धित समाचार

प्रधानमन्त्री शाह र भारतीय विदेशमन्त्री जयशंकरबीच दिल्लीमा भेटवार्ता
प्रधानमन्त्री शाह र भारतीय विदेशमन्त्री जयशंकरबीच दिल्लीमा भेटवार्ता
  • २०८३ कार्तिक १८, १९: ४२

नयाँ दिल्ली : भारतको दुईदिने राजकीय भ्रमणमा रहेका प्रधानमन्त्री वालेन्द्र शाह र भारतीय विदेशमन्त्री एस जयशंकरबीच भेटवार्ता भएको छ ।...

प्रधानमन्त्री शाह भारत पुगे, उच्चस्तरीय भेटवार्ता गर्ने
प्रधानमन्त्री शाह भारत पुगे, उच्चस्तरीय भेटवार्ता गर्ने
  • २०८३ कार्तिक १८, १९: ४२

काठमाडौं । प्रधानमन्त्री बालेन्द्र (बालेन) शाह दुईदिने राजकीय भ्रमणका लागि भारत पुगेका छन् । भारतीय प्रधानमन्त्री नरेन्द्र मोदीको निमन्त्रणामा प्रधानमन्त्री...

नयाँ दिल्ली आइपुगे प्रधानमन्त्री शाह, भारतीय राज्यमन्त्रीले गरे स्वागत
नयाँ दिल्ली आइपुगे प्रधानमन्त्री शाह, भारतीय राज्यमन्त्रीले गरे स्वागत
  • २०८३ कार्तिक १८, १९: ४२

नयाँ दिल्ली : प्रधानमन्त्री वालेन्द्र शाह दुईदिने भारत भ्रमणका लागि आज नयाँ दिल्ली आइपुगेका छन् । इन्दिरा गान्धी अन्तर्राष्ट्रिय विमानस्थलमा...