प्रदेश २ सरकारले आफ्नै अनुसन्धान ब्यूराे राख्ने प्रक्रिया थाल्याे – Naya Bikalpa
November 20, 2026, Friday      Epaper

प्रदेश २ सरकारले आफ्नै अनुसन्धान ब्यूराे राख्ने प्रक्रिया थाल्याे

आन्तरिक मामिला तथा कानुनमन्त्री ज्ञानेन्द्र यादव

नयाँ विकल्प

काठमाडाैं- प्रदेश २ सरकारले आफ्नै मातहतमा रहने गरि अनुसन्धान ब्युरो ( प्रहरीकाे गुप्तचरी निकाय ) गठन गर्ने भएको छ। प्रदेश सरकारले ब्युरो स्थापना गर्न प्रदेशसभामा विधेयक पेश गरेको छ।

प्रदेश नम्बर -२ सरकारले प्रदेश प्रहरी परिचालनको संवन्धी अधिकार भने पाइसकेकाे छैन । केन्द्र सरकाले एक हप्तामा प्रहरी सञ्चालन सम्बन्धी अधिकार नपाए सर्वाेच्च अदातल जाने भन्दै प्रदेश २ का आन्तरिक मामिला मन्त्री ज्ञानेन्द्र यादव र संघीय सरकारका गृहमन्त्री रामबहादुर थापा बादललाइ पत्र दिइसकाे छन् ।

प्रदेशभित्र शान्ति सुरक्षा तथा सुव्यवस्था कायम राख्नकालागि आवश्यक सूचना संकलन गर्ने उद्देश्यले अनुसन्धान ब्युरो स्थापना गर्न लागिएकाे हाे । आन्तरिक मामिला तथा कानुनमन्त्री ज्ञानेन्द्र यादवले प्रदेशसभामा पेश गरेको विधेयकमा प्रदेशभित्र शान्ति सुरक्षा तथा सुव्यवस्था कायम राखी प्रदेशको हित तथा विकास, औद्योगिकरण, व्यापार व्यवसाय प्रवर्द्धन गर्न ब्युरोले सूचना संकलन गरी प्रशोधन गर्ने उल्लेख छ ।

नेपालको सार्वभौमसत्ता तथा राष्ट्रिय सुरक्षा सुरक्षामा प्रतिकूल पार्नसक्ने प्रकृतिका सूचना वा जानकारीप्राप्त भएमा ब्युरोले संघीय सरकारलाई समेत जानकारी गराउने गरि गुप्तचरी निकाय गठन गर्न सक्ने ब्यावस्था गरिएकाे छ ।

प्रदेश २ सरकारले प्रदेशभित्र शान्ति सुरक्षा कायम गर्न र अपराधिक गतिविधि नियन्त्रण गर्न ब्युरोले सहयाेग गर्ने जनाएकाे छ ।

प्रदेश २ सरकारले प्रदेश प्रहरी खटनपटन आफूमार्फत गर्ने अधिकार दिन संघीय सरकारलाई एक साताको अल्टिमेटम दिएको छ ।नेपाल प्रहरी र प्रदेश प्रहरीले सम्पादन गर्ने कार्यको संचालन, सुपरिवेक्षण र समन्वय सम्बन्धमा व्यवस्था गर्न बनेको ऐन–२०७६ बनेको आठ महिना बित्दा पनि संघीय सरकारले कार्यान्वयनमा चासो नदिएको प्रदेश सरकारको गुनासो छ ।

सम्बन्धित समाचार

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ आश्विन १६, १७: ४१

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ आश्विन १६, १७: ४१

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७७ आश्विन १६, १७: ४१

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...