कोभिडको बहाना गरेर सरकार अधिनायकबादतर्फ अघि बढ्दै – हुमागाईं – Naya Bikalpa
November 20, 2026, Friday      Epaper

कोभिडको बहाना गरेर सरकार अधिनायकबादतर्फ अघि बढ्दै – हुमागाईं


नयाँ विकल्प,
काठमाडौं – नेपाली कांग्रेसका केन्द्रीय सदस्य एवम् श्रमिक तथा ट्रेड युनियन विभाग प्रमुख शिवप्रसाद हुमागाईंले सरकार कोभिड १९ को बहानामा अधिनायकबादको मार्गमा अघि बढेको आरोप लगाएका छन् ।

कोभिड १९ को संक्रमणको अवस्थामा श्रम शोषणमा परेरका रोजगारी गुमाएका श्रमजीवि पत्रकारहरुको अवस्थाका विषयमा छलफल गर्न मंगलबार राजधानीमा आयोजित छलफल कार्यक्रममा नेता हुमागाईंले श्रमजीवि पत्रकारको समस्या संवोधन गर्न सरकारले चासो नदिएको दाबी गरे ।

‘सरकार निरंकुसता र अधिनायकवाद तर्फ अघि बढीरहेको छ । श्रमिकहरुको अधिकार कटौती गर्ने, रोजिरोटी खोसिँदा संवोधन नगर्ने र कानुन कार्यान्वयनमा ध्यान दिएको छैन’, हुमागाईंले भने, ‘आवाजविहीनहरुको आवाज प्रतिविम्वित गर्ने संचार क्षेत्रलाई सरकारले दबाउन खोजेको छ ।’

प्रचलित कानुनअनुसार आफूहरुले पाउनु पर्ने पारिश्रमिक उपलब्ध गराउन, कोभिडको बहानामा रोजगारी नखोस्न श्रमजीवि पत्रकार अनसनमा बस्नु पर्ने अवस्था सरकारको कमजोरीका कारण भएको हुमागाईंको आरोप थियो ।

कोरोना संक्रमणको बहानामा रोजगारी गुमाएका पत्रकारको पुनर्बहाली गर्न, नियमित तलब नपाएका पत्रकारको तलब तत्काल दिन, र श्रमजीवि पत्रकार ऐन कार्यान्वयन गर्न पत्रकारको माग पुरा गर्न मिडिया सञ्चालक र सरकारको विभागले ध्यानाकर्षण गराउने उनले बताए ।

कोरोना महामारीमा श्रमजीवी पत्रकारलाई परेका समस्याका बारेमा चासो राख्दै श्रमिक तथा ट्रेड युनियन विभागले मंगलबार आयोजना गरेको सो छलफल कार्यक्रममा नेपाल पत्रकार महासंघका सचिव रामप्रसाद दाहाल, सदस्य नकुल अर्यालय, नेपाल प्रेस युनियन काठमाडौका अध्यक्ष जगन्नाथ दुलाल लगायतले श्रममजीवि पत्रकारको समस्याका विषयमा ध्यानाकर्षण गराएका थिए ।

सम्बन्धित समाचार

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ आश्विन २०, १४: १४

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ आश्विन २०, १४: १४

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७७ आश्विन २०, १४: १४

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...