भारतीय गुप्तचर संस्था ‘रअ’ का प्रमुख गोयल राष्ट्रपति र प्रधामन्त्रीलाई भेटेर फर्किए – Naya Bikalpa
November 20, 2026, Friday      Epaper

भारतीय गुप्तचर संस्था ‘रअ’ का प्रमुख गोयल राष्ट्रपति र प्रधामन्त्रीलाई भेटेर फर्किए


नयाँ विकल्प,
काठमाडौं – भारतीय गुप्तचर संस्था रिसर्च एण्ड एनालाइसिस विङ (रअ)का प्रमुख सामन्तकुमार गोयल नेपालको अनौपचारिक भ्रमणको क्रममा बुधबार राति राष्ट्रपति विद्यादेवी भण्डारी र प्रधानमन्त्री केपी शर्मा ओलीसँग भेट गरी फर्किइसकेका छन् ।

इन्डियन एयरफोर्सको जहाजमा बुधबार दिउँसो आएका ‘रअ’ का प्रमुख नेपालमा २१ घण्टा बसेर फर्किएका छन् ।

परराष्ट्र मन्त्रालयलाई नेपाल आएका रअका प्रमुख गोयल बुधबार नेपाल आएको कुनै जानकारी नभएको बताइएको छ । गएराति नै नयाँ दिल्ली फर्कने योजना थियो । तर, नपालको राजनीतिक भेटघाटले गर्दा उनको नेपाल बसाई लम्बिएको दुतावास स्रोतले जनाएको छ ।

राष्ट्रपति विद्यादेवी भण्डारीसँग भेट गरेको विषयले अहिले चर्चामा आएको छ । बुधबार साँझ प्रधानमन्त्री केपी शर्मा ओलीले सुरक्षा परिषद्को बैठक बोलाएका थिए । बैठक सकिएपछि प्रधानमन्त्री ओलीले गोयलसँग भेट गर्नुलाई अर्थपूर्ण रुपमा हेरिएको छ ।

सुरक्षापरिषद्को अध्यक्षको हैसियतले बुधबार नै बैठक बोलाएका प्रधानमन्त्री ओलीले लगत्तै किन भारतीय गुप्तचर संस्था रअका प्रमुखलाई भेटे भनेर नेपालको राजनीतिमा निकै हल्ला खल्ला मच्चिएको छ ।

सुरक्षा परिषदको बुधबारको बैठकमा परिषद सदस्यहरु उपप्रधानमन्त्री ईश्वर पोखरेल, गृहमन्त्री रामबहादुर थापा, अर्थ मन्त्री विष्णु पौडेल, परराष्ट्र मन्त्री प्रदिपकुमार ज्ञवली र प्रधनसेनापति पूर्णचन्द्र थापा उपस्थिति थिए ।

बैठक लगत्तै गोयलले प्रधानमन्त्री ओलीका साथै उपप्रधानमन्त्री पोखरेल र प्रधानसेनापति पूर्णचन्द्र थापासँग छलफल गरेको बताइएको छ ।

नेकपाका कार्यकारी अध्यक्ष पुष्पकमल दाहाल प्रचण्डले भने गोयलसँग भेट नगरेको बताइसकेका छन् । गोयल बिहीबार बिहान सवा १० बजे दिल्ली फर्किइसकेका छन् । बुधबार दिउँसो पौने १ बजे त्रिभुवन विमानस्थलमा अवतरण भएको आईएफबी ६०४५ कल साइनको चार्टर्ड उडानमा नै उनी रहेको दावी गरिएको छ ।

प्रधानमन्त्री ओलीसँग ‘रअ’का प्रमुख गोयलबीच २ घण्टा लामो गोप्य वार्ता भएको छ । भेटवार्तामा के–के कुराकानी भयो भन्नेबारे प्रधानमन्त्री कार्यालय र परराष्ट्र मन्त्रालयले कुनै औपचारिक जानकारी दिएको छैन् ।

‘रअ’का प्रमुख गोयल र अर्का सहकर्मी अरुण जैनसहित ७ जनाको टोलीलिएर बुधबार काठमाडौं आएका थिए नेपाल भारत सीमा विवादमा भारतले नेपालसँग कुटनीतिक र राजनीतिक वार्ता गर्न आनाकानी गरिरहेका बेला गोयल अचानक नेपाल आएर प्रधानमन्त्री ओली लगायत उच्च पदस्थ व्यक्तिसँग भेटवार्ता गर्नुलाई कूटनीतिक र राजनीतिक क्षेत्रमा निकै महत्वपूर्ण घटनाको रुपमा लिइएको छ।

सम्बन्धित समाचार

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ कार्तिक ६, १३: २७

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ कार्तिक ६, १३: २७

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ कार्तिक ६, १३: २७

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...