काेराेनाबाट मृत्यु बारे सरकारी आशंका

कोरोनाबाट मृत्यु हुनेकाे संख्या पत्ता लगाउन सरकारद्वारा गुपचुपमै समिति गठन

नयाँ विकल्प,

काठमाडाैं-स्वास्थ्य तथा जनसंख्या मन्त्रालयले कोरोनाबाट निधन भएकाको यकिन संख्या पत्ता लगाउन तीन सदस्यीय समिति गठन गरेको छ ।

समितिमा स्वास्थ्य तथा जनसंख्या मन्त्रालयका सहसचिव, इपिडियोमोलोजी तथा रोग नियन्त्रण महाशाखा प्रमुख र सिसिएमसीका एक चिकित्सक रहेका छन् । सरकाले गत कात्तिक २ मा समिति गठन गरेकाे भएपनि दुइहप्ता पछि आइतबार मात्र त्यसकाे जानकारी दिएकाे हाे । मन्त्रालयले गठन गरेकाे समितिले समितिले काम थालेको र सत्यतथ्य पत्ता लगाएपछि सार्वजनिक गरिने गौतमले बताए ।

मन्त्रालयले सार्वजनिक गरेकाे तथ्यांकमा आइतबारसम्म काेराेना संक्रमणबाट नाै सय ६० जनाकाे निधन भएकाे छ । मन्त्रालयले आइतबार गरेको नियमित मिडिया ब्रिफिङमा प्रवक्त डा. जागेश्वर गौतमले संक्रमणबाट निधन हुनेको संख्या फरक–फरक आएकाले सत्यतथ्य पत्ता लगाउन समिति गठन गरिएको जानकारी दिए । उनले निधन हुनेकाे संख्या कहाँ फरक–फरक आयाे भन्ने बारेमा भने खुलाएनन् ।