
नयाँ विकल्प,
काठमाडौं – भारतीय सेनाध्यक्ष जनरल मनोज मुकुन्द (एमएम) नरवणेले नेपाली सेनाका दुई फिल्ड अस्पताललाई आवश्यक पर्ने भेण्टिलेटर र एम्वुलेन्ससहित मेडिकल उपकरण उपहार स्वरुप हस्तान्तरण गरेका छन् ।
जनरल नरवणेले एक्स–रे मेसिन, कम्प्युटेड रेडियोग्राफी सिस्टम, आइसीयु भेन्टिलेटर, भिडियो इण्डोस्कोपी युनिट, एनेस्थेसीया मेसिन, ल्याब उपकरण, एम्बुलेन्स लगायतका स्वास्थ्य सामाग्रीहरु प्रदान गरेका थिए ।

काठमाडौंको टुडिखेलस्थित सैनिकमञ्चमा बिहीबार आयोजित विशेष समारोहमा कोभिड–१९ महामारी विरुद्धको लडाइमा अझ सघाउ पु¥याउन नेपाली सेनालाई थप भेन्टिलेटर उपहारस्वरुप प्रदान गरिएको भारतीय दूतावासले जनाएको छ ।

यसअघि गत जुलाईमा भारतीय सेनाले नेपाली सेनालाई भेन्टिलेटर उपहारस्वरुप प्रदान गरेको थियो । प्रधान सेनापति पूर्णचन्द्र थापाको निमन्त्रणामा तीन दिने औपचारिक भ्रमणमा नरवणे बुधबार काठमाडौं आएका थिए ।

बिहीबार जंगी अड्डामा प्रधानसेनापति थापा र भारतीय समकक्षी नरवणेबीच दुई देशका सेनाबीचको सम्बन्ध तथा द्विपक्षीय रक्षा सहकार्य विस्तार गर्ने बारे छलफल भएको थियो । नेपाली सेनाका वरिष्ठ अधिकारीहरुले भारतीय सेना प्रमुख नरवणे समक्ष ब्रिफिङ् पनि गरेका थिए ।

जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...