- अनामनगर काठमाडौँ
- infobikalpa21@gmail.com
नयाँ बिकल्प,
काठमाडौं – पत्रकार कनकमणी दीक्षितले लेख मार्फत आफ्नो मानहानी गरेको भन्दै सभामुख अग्नीप्रसाद सापकोटाले दिएको निवेदन र सापकोटाबिरुद्ध ज्यान मुद्धाको सुनुवाई गर्न शुक्रबार सर्वोच्च अदालतको संवैधानिक इजलासमा पेशी चढे पनि ‘हेर्न नभ्याउने’ मा परेको छ ।
दुवै मुद्धालाई एकै ठाउँमा राखेर हेर्न भन्दै सर्वोच्च अदालतले शुक्रबारको लागि पेशी तोकेको थियो । काभ्रेका अर्जुन लामाको हत्या गरेको भन्दै लामाकी श्रीमती पूर्णीमाया लामाले सभामुख सापकोटाबिरुद्ध मुद्धा दिएकी थिइन ।
प्रधानन्यायाधीश न्यायधीश राणसहित पाँच वरिष्ठ न्यायधीश सदस्य रहने संवैधानिक इजलासले सभामुख सापकोटाबिरुद्ध गरेको ज्यान मुद्धालाई आज पेशी चढाइएको थियो । संवैधानिक इजलासमा सर्वोच्चका न्यायाधीशहरु दीपककुमार कार्की, मीरा खड्का, हरिकृष्ण कार्की र विश्वम्भरप्रसाद श्रेष्ठ रहेका छन् ।
सापकोटाको मुद्दाको पेसी २०७६ फागुन १२ मा नै तोकिएको थियो । तर, वैशाख ५ गतेदेखि पेसीमा नचढेको सापकोटाको मुद्दामा एकाएक पेसी तोकिएको हो ।०६८ मा सापकोटाविरुद्ध ज्यान मुद्दा सर्वोच्चमा दर्ता भएको थियो ।
२०७२ भदौ २२ गते तत्कालिन प्रधानन्यायाधीश सुशिला कार्की र न्यायाधीश ओमप्रकश मिश्रले संवैधानिक इजलासमा पेश गरी सुनुवाई गर्न आदे दिएको थियो । शुक्रबार सुनुवाइ नभएको सो मुद्धाको अर्को पेशी निश्चित गरिएको छैन ।
काठमाडौँ : स्वास्थ्य तथा जनसङ्ख्या मन्त्रालयले अस्पताल तथा स्वास्थ्य संस्थाभित्र हातपात, तोडफोड, तालाबन्दी र अन्य कानूनविपरीत गतिविधि नगर्न अनुरोध गरेको...
काठमाडौंः स्थानीय बजारमा आज सुनचाँदीको मूल्यमा केही गिरावट भएको छ । सुन प्रतितोला रु एक हजार ८०० र चाँदी रु...
काठमाडौंः प्रधानमन्त्री वालेन्द्र शाहका राजनीतिक सल्लाहकार असिम शाहले कानुनी जटिलताका कारण जनसरोकारका काम नरोकिउन् र जनतालाई प्रदान गर्ने सेवाको प्रवाह...
