विष दिएर मार्ने डरमा हुन्थ्ये सद्दाम

नयाँ विकल्प
प्रकाशित मिती: २०७४ चैत्र १२, ०९: ४७

सद्दाम हुसेनलाई ठूला–ठूला मस्जित बनाउने पनि सोख रहेको बताइन्छ । उनले मध्य बगदादमा बनाएका ‘उम्म अल मारीक’ नाम दिइएको मस्जिद निकै भव्य थियो । सन् २००१ मा सद्दाम हुसेनको जन्मदिनका अवसरमा सद्दामले उक्त मस्जिद बनाएका थिए । मस्जिदको टुप्पो स्कड मिसाइलबाट बनाइएको थियो । सो मिसाइल अरब युद्धको समयमा इजरायलमा खसालिएको थियो । ‘अपरेसन डिजर्ट स्टोर्म’ नाम दिइएको त्यो मिसन ४३ दिनसम्म चलेको थियो । त्यसैको सम्झनास्वरुप मस्जिदको मिनारको उचाई ४३ मिटर नै राखिएको थियो ।
सद्दाम हुसेनको जीवनी लेख्ने कोन कफलिनले ‘सद्दामले बनाएको एउटा मस्जिदमा रगतले लेखिएको एउटा कुरान राखिएको र त्यस कुरानको ६०५ पृष्ठ मानिसहरुकालाई देखाउनका लागि एउटा सिसाको बाकसमा राखिएको बताउँछन् । मस्जिदका मौलानाका अनुसार यो कुरान लेख्नका लागि सद्दाम हुसेनले तीन वर्षसम्म २६ लिटर रगत दिएका थिए । सद्दामको बारेमा लेखिएको अर्को पुस्तक ‘सद्दाम हुसेनः द पोलिटिक्स अफ् रिभेन्ज’ का लेखका सैद अबूरिशकाले सद्दामले ठूला–ठूला मस्जिद र भवन बनाउनुको पछाडिको कारण उनले टिक्रिटमा बिताएको बाल्यकाल भएको लेख्छन् । उनका अनुसार बाल्यकालमा सद्दामलाई जुत्ता किनिदिने पैसासमेत उनको परिवारसँग हुँदैन थियो ।
सद्दाम हुसेनकै बारेमा अर्को पुस्तक लेख्ने अमाजिया बरमले सद्दामको शासनकालमा कैयौँ दुश्मनलाई थेलियम नामको विष दिएर हत्या गर्ने गरिएको बताउँछन् । सद्दामलाई पनि कसैले विष प्रयोग गरेर आफ्नो हत्या गर्छ कि भन्ने डरले सताउने गर्दथ्र्यो । त्यसैले उनले खाने माछा, तरकारीलगायतका सबै चिज हप्ताको दुई पटक जाँच गर्ने गरिएको बताइन्छ ।

सम्बन्धित समाचार

विश्व बजारमा कच्चा तेलको मूल्य उच्चविन्दुमा

२०७४ चैत्र १२, ०९: ४७

काठमाडौँ। मध्यपूर्वमा बढ्दो तनावका बीच कच्चा तेलको मूल्य तीव्र रूपमा बढ्दै प्रति ब्यारेल १२६ डलर नाघेको छ, जुन पछिल्ला चार...

आणविक सम्झौता स्वीकार गर्न इरानलाई ट्रम्पको चेतावनी

२०७४ चैत्र १२, ०९: ४७

काठमाडौँ। अमेरिकी राष्ट्रपति डोनाल्ड ट्रम्पले इरानलाई चाँडै चतुरता देखाउन ९स्मार्ट हुन० र आणविक कार्यक्रमहरूमा कडा नियन्त्रणको माग पूरा गर्न चेतावनी दिएका...