- अनामनगर काठमाडौँ
- infobikalpa21@gmail.com
काठमाडौं । प्रधानमन्त्री केपी शर्मा ओलीले अर्बपति उद्योगी विनोद चौधरीलाई बाइपास गर्न थालेका छन् । उनले अर्बपति व्यापारी चौधरीलाई आफ्नो तीन दिने औपचारिक भारत भ्रणमा समेत नराखेपछि दुईबीचको सम्वन्धलाईलिएर थुप्रै आशंकाहरु गर्न थालिएको छ ।
कतिपयले चौधरीले हालै एमालेलाई धोका दिएर काँग्रेसमा गएकै कारण ओलीले चौधरीलाई भ्रमण टोलीमा नराखेको आशंका गरेका छन् । काँग्रेस नेता र काँग्रेस निकट उद्योगी व्यापारी पनि ओलीको भ्रमणमा लगिए पनि चौधरीलाई भ्रमणमा सामेल गराएका थिएनन् ।
ओलीसँगको सम्बन्ध चिसिनु पुरानै कारण भएको जानकारहरु बताउँछन् । स्रोतका अनुसार आफुहरुसँग भएको ९ बुँदै सहमति कार्यान्वयन नगरेको र आलो पालो प्रधानमन्त्री बन्ने भद्र सम्झौता तोडेको भन्दै नेकपा माओबादी केन्द्रले सरकारबाट हात झिकेपछि, ओलीले बाध्य भएर २०७३ को साउन ८ गते राजीनामा दिए । राजीनामा दिएको एकसाता तिर ओलीले आफैं उद्योगपति विनोद चौधरीको मोबाइलमा धेरै पटक फोन गरे । चौधरीले फोन उठाएनन्। ओलीको अपेक्षा थियो चौधरीले कल ब्याक गर्नेछन ।
तर चौधरीले वास्ता गरेनन र आफुले गरेको फोन नउठाउने र कल ब्याक समेत नगरेपछि ओली चौधरीसँग साह्रै चिढिएका थिए । दोश्रो कार्यकालका लागि गत फागनु ३ मा ओली प्रधानमन्त्री नियुक्त भए । ओली फेरी प्रधानमन्त्री भएपछि उद्योगी व्यवासायीको टोली उनलाई सम्मान गर्न पुुग्यो । टोलीमा उद्योग बाणिज्य महासंघकी अध्यक्ष भवानी राणा लगायत थिए । साथमा विनोध चौधरी पनि थिए । फुलमाला लगाइदिन गएका चौधरीले ओलीसँग हात मिलाउन खोजे ।
तर ओलीले हात दिएनन र अल्मल्याएका थिए । चौधरीले दोश्रो प्रयास गरे ओलीसँग हात मिलाउने। त्यो प्रयास पनि खेर गयो । त्यही बेला ओलीले पुरानो प्रसंग सम्झाए चौधरीलाई । आफुले प्रधानमन्त्रीबाट राजीनामा दिएपछि फोन गर्दा किन नउठाएको भनेर । चौधरीले टार्ने प्रयास गरे । उनले आफु फेरी प्रधानमन्त्री बन्दैन भन्ने लागेर हो ? समेत भन्न भ्याएको स्रोतले बतायो ।
भारत भ्रमण गर्नुअघि ओलीको टोलीमा सामेल गराइनेहरुको सूची तयार भयो । ओलीले रुजु गर्न चाहे । सरसर्ती हेर्दै जाँदा ओलीले विनोध चौधरीको पनि नाम फेला पारे । सूची बुझाउनेलाई नजिक डाक्दै ओलीले औंलाले इशारा गर्दै चौधरीको नाम हटाउन भने । ती कर्मचारीले नबुझेको जस्तो गरेपछि, ओलीले बोलेरै नाम हटाउन आदेश दिए ।
विनोद चौधरी बाहेक अरु हुने भनेपछि, चौधरी ग्रुपका एमडी, उनकै छोरा निर्वाणलाई टोलीमा राखियो । यसअघि एमालेबाट सांसद बनेका चौधरी एकाएक काँग्रेस प्रवेश गरेको तुष मेट्न पनि ओलीले उनलाई भारत भ्रमण टोलीमा नराखेको अड्कल काट्न भने सजिलो छ ।
काठमाडौं : सरकारले सरकारी कर्मचारीहरूको तलबभत्ता भुक्तानी प्रणालीमा महत्वपूर्ण परिवर्तन गर्दै अब अर्धमासिक रूपमा रकम उपलब्ध गराउने निर्णय गरेको छ ।...
काठमाडौँ : देशका विश्वविद्यालयहरूले परीक्षाफल सार्वजनिक गरेपछि १५ दिनभित्र विद्यार्थीलाई ट्रान्सक्रिप्ट उपलब्ध गराउने व्यवस्था लागू गर्ने सहमति गरेका छन् ।...
काठमाडौँ : तुर्माखाँद गाउँपालिका-३ भैरवस्थानस्थित बल्दे नजिकै कर्णाली नदीमा बेपत्ता दुई जनाको शव फेला परेको छ । तुर्माखाँद गाउँपालिका-३ का...
