कांग्रेस प्रवक्ता शर्मासहित केन्द्रीय सदस्य भण्डारी, श्रेष्ठ र चौधरीलाई कोरोना संक्रमण – Naya Bikalpa
November 19, 2026, Thursday      Epaper

कांग्रेस प्रवक्ता शर्मासहित केन्द्रीय सदस्य भण्डारी, श्रेष्ठ र चौधरीलाई कोरोना संक्रमण


नयाँ बिकल्प,

काठमाडौं: नेपाली कांग्रेसका प्रवक्ता विश्वप्रकाश शर्मासहित तीन केन्द्रीय सदस्यलाई कोभिड १९ संक्रमण भएको छ ।

प्रवक्ता शर्माले आइतबार ललितपुरको स्टार अस्पतालमा स्वाब परिक्षण गराएको र त्यसको रिपोर्ट सोमबार बिहान आएपछि होम आइसोलेसनमा बसेका छन् । शर्माले आफूलाई कोरोना संक्रमण भएको जानकारी सामाजि सञ्जाल फेसबुक र ट्विटरमार्फत सोमबार बिहान दिएका थिए । उनले आम नागरिकलाई संक्रमणबाट बच्न सावधानी अपनाउन पनि आग्रह गरेका छन् ।

यस्तै, पार्टी केन्द्रीय सदस्य तथा तरुण दल विभागका संयोजक शंकर भण्डारीलाई पनि कोरोना संक्रमण भएको छ । बैशाख १८ गते आफूसहित परिवारका सदस्य श्रीमती र छोरामा कोरोना संक्रमण देखिएको भण्डारीले जनाएका छन् । उनी घरमै आइसोलेसनमा बसेका थिए।

भण्डारीको शरीरमा अक्सिजनको मात्रा कम देखिएपछि उनलाई सोमबार ग्राण्डि इन्टरनेसनल अस्पतालमा भर्ना गरिएको उनका प्रेस सल्लाहकार डम्वर अधिकारीले बताए ।

यस्तै, पूर्वस्वाथ्य मन्त्री समेत भएका कांग्रेस केन्द्रीय सदस्य रामजनम चौधरी पनि कोरोनाबाट संक्रमित भएका छन् । गृह जिल्ला कैलालीमा रहेका चौधरी एक सातादेखि संक्रमित छन् । उनको उपचार कैलालीको धनगढीस्थित अस्पतालमा भइरहेको छ ।

कांग्रेसका अर्का केन्द्रीय सदस्य तथा व्यवसाय विभाग संयोजक चिनकाजी श्रेष्ठलाई समेत कोरोना पोजेटिभ देखिएको छ । कोरोनाबाट नेपाल बिद्यार्थी संघका महामन्त्री बलदेव तिमिल्सिना समेत संक्रमित भएका छन् । तिमिल्सिना पनि घरमै आइसोलेसनमा बसेका छन् ।

सम्बन्धित समाचार

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०७८ बैशाख २०, २२: ०९

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७८ बैशाख २०, २२: ०९

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७८ बैशाख २०, २२: ०९

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...