राखेपले एन्फामाथिको प्रतिबन्ध फुकुवा गर्‍यो – Naya Bikalpa
November 19, 2026, Thursday      Epaper

राखेपले एन्फामाथिको प्रतिबन्ध फुकुवा गर्‍यो

काठमाडौं । राष्ट्रिय खेलकुद परिषद् (राखेप) ले अखिल नेपाल फुटबल संघ (एन्फा) माथि लगाएको निलम्बनसहित प्रशासनिक तथा आर्थिक प्रतिबन्ध फुकुवा गरेको छ ।

राखेपको कार्यकारी समितिले बिहीबार राष्ट्रिय खेलकुद विकास ऐन, २०७७ को दफा २९ (३) बमोजिम प्रतिबन्ध हटाउने निर्णय गरेको हो । राखेपले पत्रमार्फत एन्फालाई उक्त निर्णयबारे जानकारी गराएको छ ।

गत चैतमा एन्फाले निर्धारित समयभन्दा अगाडि निर्वाचन गर्ने प्रयास गरेपछि संघभित्र विवाद सुरु भएको थियो । त्यसपछि राखेपले असारमा एन्फामाथि प्रतिबन्ध लगाएको थियो । सरकारी हस्तक्षेप भएको भन्दै अन्तर्राष्ट्रिय फुटबल महासंघ (फिफा) ले पनि सन् २०२६ जुन २४ मा एन्फालाई निलम्बन गरेको थियो ।

प्रतिबन्ध फुकुवा गर्ने निर्णयबारे राखेपले प्रधानमन्त्री तथा मन्त्रिपरिषद्को कार्यालय, शिक्षा तथा खेलकुद मन्त्रालय, फिफा र एसियाली फुटबल महासंघ (एएफसी) लाई समेत जानकारी गराएको छ ।

यसैबीच, शिक्षा तथा खेलकुदमन्त्री सस्मित पोखरेल आज थाइल्यान्डमा हुने एएफसीको बैठकमा सहभागी हुँदै छन् । सोही क्रममा उनले एन्फामाथिको प्रतिबन्ध फुकुवाका विषयमा छलफल गर्न एएफसी र फिफाका प्रतिनिधिसँग भेटवार्ता गर्ने कार्यक्रम रहेको छ ।

मन्त्रीको उक्त भेटवार्ताअघि सकारात्मक वातावरण निर्माण गर्ने उद्देश्यले राखेपले एन्फामाथिको प्रतिबन्ध फुकुवा गर्ने निर्णय गरेको बताइएको छ ।

सम्बन्धित समाचार

एनपीएलमा कामिल मिशाराको दोस्रो शतक, इतिहासमा पाँचौँ शतक
एनपीएलमा कामिल मिशाराको दोस्रो शतक, इतिहासमा पाँचौँ शतक
  • २०८३ मंसिर ४, १४: १६

काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) मा दोस्रो शतक प्रहार भएको छ । चितवन राइनोजका कामिल...

एनपीएल पहिलो क्वालिफायरमा आज लुम्बिनी र सुदूरपश्चिम भिड्दै
एनपीएल पहिलो क्वालिफायरमा आज लुम्बिनी र सुदूरपश्चिम भिड्दै
  • २०८३ मंसिर ४, १४: १६

काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत पहिलो क्वालिफायरमा आज साविक विजेता लुम्बिनी लायन्स र सुदूरपश्चिम...

एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती
एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती
  • २०८३ मंसिर ४, १४: १६

काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत आजको दोस्रो खेलमा पोखरा एभेन्जर्सले काठमाडौं गोर्खाजलाई २२५ रनको...