एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती

नयाँ विकल्प
प्रकाशित मिती: २०८३ कार्तिक ३०, १९: ४२

काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत आजको दोस्रो खेलमा पोखरा एभेन्जर्सले काठमाडौं गोर्खाजलाई २२५ रनको विशाल लक्ष्य दिएको छ । यो लक्ष्य एनपीएल इतिहासकै सबैभन्दा उच्च योगफल हो ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा टस हारेर पहिले ब्याटिङ गरेको पोखराले निर्धारित २० ओभरमा ३ विकेट गुमाउँदै २२४ रन बनायो ।

पोखराका लागि कुशल भुर्तेलले ९९ रनको उत्कृष्ट पारी खेले । उनी शतक बनाउन एक रनले चुके । त्यस्तै, युवराज सामराले ८९ रन बनाए ।

काठमाडौंका कप्तान करण केसीले २ तथा जहानदाद खानले १ विकेट लिए ।

प्लेअफमा स्थान सुरक्षित गरिसकेको काठमाडौं अंकतालिकाको तेस्रो स्थानमा छ भने प्रतियोगिताबाट बाहिरिसकेको पोखरा पुछारमा छ ।

आजको खेलमा काठमाडौं विजयी भए पहिलो क्वालिफायरमा स्थान बनाउनेछ । पराजित भए भने उसले इलिमिनेटर खेल्नुपर्नेछ ।