
नयाँ बिकल्प,
काठमाडौं । कोरोना भाइरस संक्रमणबाट नेपालमा मंगलबार हालसम्मकै सबैभन्दा धेरै ५५ जना संक्रमितको निधन भएको छ । स्वास्थ्य मन्त्रालयले मंगलबार एकै दिन मृत्यु हुनेको संख्या ५५ भएको जनाएको छ ।
कोरोनाबाट सोमबार ३७ र आइतबार २७ जना संक्रमितको निधन भएको थियो । कोरोना भाइरसको संक्रमणबाट मंगलबारसम्म तीन हजार चार सय १७ जनाको मृत्यु भएको मन्त्रालयले जनाएको छ । पछिल्लो २४ घण्टामा नेपालमा कोरोनाका सात हजार छ सय ६० जनामा संक्रमण पुष्टि भएको छ ।
१६ हजार १३१ पीसीआर परीक्षणमा सात हजार पाँच सय ८७ र पाँच सय ७१ एन्टिजेन परीक्षणमा ७३ जनामा संक्रमण पुष्टि भएको हो । मंगलबारसम्म देशभर सक्रिय संक्रमितको संख्या ५९ हजार सात सय ९८ पुगेको छ ।
संक्रमित मध्ये ५५ हजार पाँच सय २० जना होम आइसोलेसनमा र संस्थागत आइसोलेसनमा चार हजार दुई सय ७८ जना रहेका छन् । मंगलबार ६१६ जना आईसीयूमा र १७९ जना भेन्टिलेटरमा उपचाररत छन् ।
कोरोना संक्रमण हुनेको संख्या मंगलबारसम्म नेपालमा तीन लाख ५१ हजार पाँच पुगेको छ । जसमध्ये दुई लाख ८७ हजार ७९० जना संक्रमणमुक्त भएका छन् । पछिल्लो २४ घण्टामा कोरोना भाइरस संक्रमणमुक्त हुनेको संख्या एक हजार सात सय ७५ रहेको छ ।
मंगलबार रुपन्देहीमा ३६९ जना, कास्कीमा २४७ जना, मोरङमा २४६ जना, चितवनमा २२६ जना र दाङमा २०१ जना, बाँकेमा १९२, झापामा १७४, कैलालीमा १४०, सुनसरी र सुर्खेतमा १२४र १२४ जना, काभ्रेपलाञ्चोकमा ११७, पर्सामा ११२, धनुषामा १०४ जनामा कोरोना संक्रमित थपिएका छन् ।
हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...
काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...
काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...