कामचोर ठेकेदारलाई गृहमन्त्रीले कारबाही गर्ने हिम्मत गर्लान् ? घरबेटी नै कारबाहीमा पर्ने भएपछि प्रचण्ड आक्रोशित – Naya Bikalpa
November 19, 2026, Thursday      Epaper

कामचोर ठेकेदारलाई गृहमन्त्रीले कारबाही गर्ने हिम्मत गर्लान् ? घरबेटी नै कारबाहीमा पर्ने भएपछि प्रचण्ड आक्रोशित

काठमाडौ । नेपाल कम्युनिस्ट पार्टी (नेकपा) अध्यक्ष पुष्पकमल दाहाल प्रचण्डका घरधनी शारदा अधिकारीको निर्माण कम्पनी शैलुङ कन्स्ट्रक्सनसहितलाई कारबाही गर्न गृहमन्त्री रामबहादुर थापा बादलले स्थानीय प्रशासन र प्रहरी युनिटलाई निर्देशन दिएपछि प्रचण्ड र बादलको सम्बन्ध बिग्रिएको छ ।

प्रचण्डले बादललाई ठेकेदारलाई कारबाही गर्ने नाममा भारतीय सिंघम बन्न खोजेको भन्दै आक्रोस पोखेका छन् । उनले चर्चा कमाउने काम गर्दा बादलको पद समेत धरापमा परेको छ । प्रचण्डको कमजोरीमाथि नै बादलले प्रहार गरेपछि प्रचण्ड बादलसँग बिच्किएका हुन् । अधिकारीले एक महिना अघि मात्र प्रचण्डका २ छोरीहरुलाई घर उपहार दिएका थिए । पार्टीको वरिष्ठ नेता भएर पार्टी निर्णय र अध्यक्षको भावना विपरित बोल्दा तत्कालिन माओवादी नेता नारायणकाजी श्रेष्ठलाई प्रचण्डले काजीलाई पाजी बनाइदिन्छु भनेका थिए । प्रचण्डले १० बर्षअघिको घटना स्मरण गर्दै, “बादललाई सेनामाथि हात नहाल्नुस भन्दा मेरो पद गुम्यो, तपाईंको कारणले आज मेरै सहयोगी र विश्वास पात्र शारदालाई कारबाही गर्न खोजेपछि मेरो घरमै अप्ठ्यारो पार्ने” भनेर क्रोधित भएका हुन् । प्रचण्डको क्रोधलाई मथ्थर गर्ने उपाय जति रचे पनि बादल भने पछि परेका छैनन् । भक्तपुर जिल्ला प्रशासनले अधिकारीको शैलुङ कन्ट्रक्सनलाई कारवाही सिफारिस गरेको हो । भक्तपुर प्रशासनले अधिकारीसहित समयमा काम सम्पन्न नगर्ने १० ठेकेदारहरुको पहिचान गरेकोछ ।

अधिकारीको शैलुङ कन्स्ट्रक्सनले दुई वर्षभित्र सम्पन्न गर्ने गरी २०७१ जेठमा कमल विनायक–नगरकोट सडक निर्माणको जिम्मा लिएको थियो । ठेकेदार अधिकारीले नेकपाका दोस्रो अध्यक्ष प्रचण्डलाई ललितपुरको खुमलटारमा बस्न घर दिएका छन् । गृहमन्त्री रामबहादुर थापालाई प्रचण्डले अधिकारीलाई कारबाही नगर्न यसअघि नै दवाव दिएका थिए । चार वर्षमा ३ पटक म्याद थपे पनि ४३ प्रतिशत मात्रै काम सकिएको छ । तेस्रोपटक थपिएको म्याद पन यहि असार मसान्तमा सकिँदै छ । गृह मन्त्रालयले समयमै विकास निर्माणका काम सम्पन्न नगर्ने कम्पनीहरूको नाम पठाउन निर्देशन दिएपछि प्रशासन कार्यालयले सो विवरण पठाएको हो । ठेकेदारले समयमा काम नसक्दा सडकमा हिलो, धुलो र खाल्डाखुल्डीका कारण विदेशी पर्यटकसहित यात्रुले कष्टपूर्ण यात्रा गर्नुपरेको छ ।
अधिकारीकै कम्पनीले कलंकी नागढुंगासम्मको सडक निर्माणको ठेक्का पाए पनि ९ बर्षसम्म निर्माण नगरी बसेका छन् । जसले गर्दा राजधानी भित्रने र बाहिरिने यात्रुले बर्षौंदेखि सास्ती खेप्दै आएका छन् ।

सम्बन्धित समाचार

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७५ जेष्ठ २८, ०५: ०८

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७५ जेष्ठ २८, ०५: ०८

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...

प्रधानमन्त्री शाह र भारतीय राजदूत दलेलाबीच शिष्टाचार भेटवार्ता
प्रधानमन्त्री शाह र भारतीय राजदूत दलेलाबीच शिष्टाचार भेटवार्ता
  • २०७५ जेष्ठ २८, ०५: ०८

काठमाडौं । प्रधानमन्त्री वालेन्द्र शाह र नेपालका लागि नवनियुक्त भारतीय राजदूत सुधाकर दलेलाबीच सिंहदरबारस्थित प्रधानमन्त्री तथा मन्त्रिपरिषद्को कार्यालयमा बुधबार शिष्टाचार...