प्रधानमन्त्रीको प्रश्न ‘काठमाडौंको सडक मैले खाल्डो पारेको हो ? – Naya Bikalpa
November 19, 2026, Thursday      Epaper

प्रधानमन्त्रीको प्रश्न ‘काठमाडौंको सडक मैले खाल्डो पारेको हो ?

काठमाडौं । प्रधानमन्त्री केपी शर्मा ओलीले आफू प्रधानमन्त्री हुँदा देशको हालत बेहाल भएको भन्दै पुरानो सरकारले काम गर्दा काठमाडौंका सडक हिलाम्मे र फोहोर भएको दाबी गरेका छन् । उद्योग परिसंघको १५ औं साधारण सभाको शनिबार उद्घाटन गर्दै ओलीले बाटामा खाल्टा भएको बिषयलाई लिएर केहीले खाल्टा खुल्टिका गीत गाईरहेको कटाक्ष गरे । ‘यी खाल्टा मैले ४ महिनामा बनाएको हो ? अब मैले कता कता खाल्टा पुर्ने, थानकोट गए उस्तै छ, नगरकोट जाने उस्तै छ, गोकर्ण जाने बाटो उस्तै छ ।

कोटेश्वरका छेउको बाटो उस्तै छ’ ओलीले भने ‘यी बाटो खाल्टाखुल्टी पार्ने काम मैले गरेको हो ? अब अर्काे बर्खा यसरी डुब्ने अवस्था नआोस भनेर सरकार सचेत रहेको वताए । ओलीले अहिले केही असुविधा देखिएको स्वीकार्दै असुविधा आफूले नभएर अहिले कराईरहेकाहरुले सिर्जना गरेको आरोप लगाए । ओलीले दुई महिना कराएर आनन्द लिनेहरुले लिए पनि आगामी बर्षदेखि यस्तै बाटोको समस्या काठमाडौंमा नरहने दाबी गरे । उनले पूँजीपतिले पूँजी लगानी गरेर उद्योगधन्दा स्थापना गर्ने ठाउँमा राज्यले बाटो, विद्युत र फोन विस्तार गर्न बजेट छुट्याउँछ, तिनै उद्योगधन्दा र निर्माण कम्पनीहरुमा काम गर्ने मजदूरको सामाजिक सुरक्षाका लागि आवश्यक बजेट किन नछुट्याउने ? भनी प्रश्न गरेका छन् । उनले सुरक्षा भनेको कसैले भौतिक हमला नगर्नु मात्रै नभएको जनाए ।

उनले आफूहरुले बजारबाट किनेर ल्याएको तरकारी र फलफूलमा विषादी हुनु र कसैले सित्तैमा दिएको चीजमा होइन, पैसा हालेर किनेर ल्याएको चीजमा बिषदी हुने गरेको स्वीकारे । गंगामाया अधिकारी छोरा कृष्णप्रसाद अधिकारीको हत्याराको खोजी गरी न्यायको कठघरामा ल्याउन माग गर्दै आमरण अनसन बसेको चालिस दिनभन्दा बढी भए पनि प्रधानमन्त्री ओलीले जायज र न्यायोचित मागका लागि समाजमा कुनै पनि व्यत्ति तड्पीनु नपर्ने दाबी गरे । उनले आफ्नो यस्तो कदमलाई केही मान्छेहरु यही अभियानलाई अधिनायकवाद ठानेर तर्सिएका छन भने । ओलीले सबैले खान लाउन पाउने हो भने, सबैका छोराछोरीले स्कुल पढ्न पाए भने हामी धनी भएको के काम लाग्यो र अरु पनि धनी भए भने हामीले महंगो गाडी चढेको के काम लाग्यो भनेर समाजबाद उन्खुम अभियानलाई अधिनायकबाद देख्ने र यसबाट तर्सिनेहरु पनि रहेको वताए ।

उनले लोकतन्त्र भनेको ठाउँमा लोक नै भोको छ भने केको लोकतन्त्र ? भनी प्रश्न गरे । उनले अघिल्लो पटक प्रधानमन्त्री हुँदा दुई वर्ष भित्र देशबाट तुईन विस्थापन गर्ने घोषणा गरेको स्मरण गरे । उनले आफू पहिलोपटक प्रधानमन्त्री भएको समयमा तुईनका लागि विनियोजन गरेको बजेट ३० करोड रुपैयाँ हटाउन लगाएको दाबी गरे । तर मुलुकमा रहेका तुईन ६० प्रतिशत पनि अझै कायम छन् ।
उनले ९५ वटा तुईन विस्थापन गरिसकेको दाबी गर्दै ५० वटा जति पनि विस्थापन हुने तयारीमा रहेको भन्दै महाकालीमा भएका तुईन हटाउन पनि भारतसँग सहमती भएको बताए । उनले १६ वटा स्थानमा तुईन विस्थापन संभव छैन भन्ने प्राविधिक रिपोर्ट आएकोले अब तुइन उपयुक्त नभएको ठउँमा केबलकार चलाउन सक्छौं ।

सम्बन्धित समाचार

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७५ असार २५, ०७: १९

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७५ असार २५, ०७: १९

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७५ असार २५, ०७: १९

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...